Model Pakhat A Si Mi Nih Cun Tlangval Pawl Nan Nupi Ding Ca Ah Zei Tin Dah Nan Ka Hmuh Ning Si

Nan Mwe San cu kawlram ah sexy model minthang pakhat a si.A nih hi US hram bunh wedsite ngan pakhat he riantuan in thlakhat ah kawlram phaisa sing 70 leng a hmutu zong a si.

Nan Mwe San cu sexy taktak in thlihruk in mipi sinah a pumrua dawhnak le muidawhnak hna a langter tawn caah mipi nih an tlaihchan khun. A nih hi mino nak hmanh in patung nih uar deuh mi a si lai tiah ruahdamh a si.

Tutan zong ah sexy hmanthlak a uar ngaitu Nan Mwe San cu tilionak hmun ah sexy tak in hman aa thla mi cu a facebook cahmai ah a hun tar hna. Cu hmanthlak caption caah tiah  suimilam pahnih chung na ta sining law zei tin dah na ka tuah lai  tiah a tial.

Thawng dang,Myanmar-Thailand ramri i um Myawaddy ah Thailand nungak pawl an tlaihhrem hna i hlawhhlang rian an tuan ter lawlaw tawn hna.Thailand nungak kum 25 mi pahnih cu Myanmar ramri ah riantuan ding thatukmi a um tiah an hlen hna i Myawaddy ah riantuan ding cun an va kal i misual pawl nih an rak tlaih hna i an rak tlaihhrem hna hnu ah hlawhhlang rian an tuan ter lawlaw hna.

Michoklet pawl nih nuamcemnak ah an hman hna i an duhlo a sile 25,000 baht an cawiter hna.Ramri cu kawl ralkap pawl nih an ven tuk caah an zam ngam ve tilo.Cuhnu ah Thailand ramri i duty tu Thailand ralkap pawl he a thli tein an i pehtlai kho.

Hi nungak pahnih hna nih hin April 27 zaan ah zam dingin timhlamhnak an ngei cia i Thailand ramri duty tu Thailand ralkap pawl sin zong ah an chimh cia ve hna I kawl ralkap nih a kan kah i kan thih sual ah cun kan ruak hi rak kan la te ulaw kan taksa hi midang caah rak hlu te u tiah bia an cah ta hna. Cuticun April 27 zaan ah cun deilei ah an zaam i kawl ralkap pawl nih cun muilak ah dapmei in an kawl chih hna.

Thailand ram lei ah cun an zaam i vanthat ah ramri tiva cu an leuh khawh zawkzawk i Thailand lei duty tu Thailand ralkap pawl nih cun an rak zuanhnawh zawkzawk hnai Thailand ramchung ah cun him tein an phan kho. An phak hnu ah Thailand nungak kum 25 nu Ekapop nih cun”Kan umnak hmun ah Thailand nungak minung 300 hrawng an um i an tlaihhrem hna i hlawhhlang rian an tuan ter fawn hna tiah Thailand palik sin ah cun a chim.

Thawng pang dang, Mexican nungak kum 18 tluk a simi Debanhi cu Nueva Castilla Motel pawngah khuaruahhar in a dir peng ti a si.Cu hnuah a mah tein hotel chung ah a va lut i a tlau ti a si.Zarhhnih chung a tlau tiah an hawl len hnuah hotel inn chung i ti chiahnak chungah a ruak in an hmuh.Khuapawl nih ti an hman tikah a rim chia tuk i,cu hnu cun an hmang duh ti lo.Tank chung an vun zoh ciammam cu mithi ruak an hmuh.A tlau tiah an hawl lenmi nu a si ti an theih caah palik pawl an chawnh colh hna.

April 8 zaan ah a hawi le nu pahnih hna he party nak hmun ah an kal hna i,cu lio ah cun nu pakhat he an i sik caah motor hlan in a tlung ti asi. Motor mongtu pa cu Juan David ti a si.Hotel hmai an phak bakah ka tum cang lai tiah a chimh i, motor chung cun a chuak.Cuti lamkam in a dir Peng lio cu motor mongtu pa nih cun hman a thlak i,a hawi le cu hika hmunah hin a tum i ka chiah ko hi tiah a hmanthlak cu a kuat hna.

CCTV chung zong in an zoh tikah motor chung cun amah tein a chuak i,lamkam ah caan saunawn a dir hnuah hotelchung ah aluh lio cu an hmuh khawh.Hringtu a pa nih cun motor mongtu pa nih a hnuktongh piak a timh ruangah motor chungin a chuahnak hi asi tiah Palik sinah cun a chim ve.Palik pawl nih cun motor mongtu pa cu an lunghrinh caah an tleih i thongah an chiah.

Cuhnu ah motor mongtupa nih zeitindah a tuah timi Kong cu felfai tein an hlat dih hnuah motor mongtupa nih zeihmanh sualnak a ngei lo tiah an hmuh caah an chuahthan.Debanhi ruak an zoh tikah a Luah hliamhma a tuar i,zeitin dah a thih ningsi ti le mizeinih dah an thah i,zeitindah Tank chungah hin a um ning a si timi cu an hlat cuahmah liopi a si i,a konglam fiang zeihmanh chim khawhmi a um rih lo.Hingtu a pa nih cun dam tein kan hmuhthan ko lai tiah ka ruah ko nain,a ruak te lawng kan hmuhkhawh cang.

A hringtu a nulepa cu kan lungfak taktak.Asinain khatleiah cun a ruak te tal kan hmuh khawhi tha tein kan vui khawh caah hin kan lungfahnak cu a nem deuh ko.A ruak vui ding kan ngei i, duh dawk in kan tah khawh.A thlanah pangpar tete hna kan chiah khawh i,mitam pi cu ruak vui awk ngeive loin a tlau thai mi tampi an um rih tiah a pa nih cun a rak chim.