Mon Ramkulh Ah SAC Ralhrang Hna Cu Mipi Vengtu Pasaltha Hna Nih Cun, An Kal Nak Lam Ah Bawh In, SAC Ralhrang Cu, Bomb In An Puah Hnawh Hna Ca Ah A Thi Mi An,

Mon ramkulh, Yee peng, Sapiah khuachung ah thil caw ding in a kal mi SAC ralkap kah an tong i, SAC ralkap 2 an thi, tiah theih a si. April 2 zinglei Sml 7 :30 hrawng ah ralkap uniform loin Sanpiah khuachung ah thil caw ding in a lut mi SAC ralkap 4 cu KNU Brigade 6 Battalion 16 in, ralkap 2 nih a thli tein an kah hna, tiah YGF nih cathanh a chuah.

Cuka hmun i kah a tong mi SAC ralkap hna chung in minung 2 cu a hmun ah an thi colh. A taang mi 2 cu an hliamhma he an zaam, tiah theih a si. Sanpiah Payar Kone ah hmunhma a la mi SAC ralkap hna nih 40 mm in an rak kah hna nain mizapi ralkap 2 cu him tein an kir ṭhan kho, tiah theih a si.

SAC ralkap nih Yee  peng Hnin Sone khua le Sanpiah khua inn hna cu kan khangh lai tiah an hro hna pinah an lunghrinh deuh mi mino hna zong an tlaih hna caah zaan caan ah cun khua mi tam deuh cu anmah inn cia ah riak ngam loin an i thup hna, tiah khua mi hna sin in theih a si.

Magwe ramthen, Yesagyo peng, Yelay Kyun ah SAC ralkap cu rallam hmun 3 ah i ṭhen in, Yelay Kyun chaklei ah a ra mi hna cu PDF a phufonh nih bomb in an rak doh hna i SAC ralkap 2 an thi i ralbawi pakhat hliam a tuar, tiah Min Chein um MGN 35 nih cathanh an chuah.

SAC ralkap hna cu Min Chien  peng Battalion 5 in MGN 35 le The Value of Young Men hna hruainak in Myaung Fighter Defense Force, PDF Taloke, Chaung U Local Denfense Force le hriamtlai dang phufonh i bawm in bomb an puah hna, tiah theih a si.

SAC ralkap 20 hrawng cu bomb hmanhnak lei ah an luh khawh nakhnga Mizapi vengtu ralkap nih an lem hna i, bomb hmanhnak chung an phanh ah bomb cu a puak i SAC ralkap 2 an thih lengah tamlakte nih hliam an tuar, tiah theih a si. Bomb puahnak hmun ah hin ralhriam zeimawzat mizapi vengtu ralkap nih an laak, tiah Mizapi Vengtu ralkap nih an thanh.

Ayeyawady Tiva Ah SAC Ralkap Tilawng Myohhla PDF Nih An Kah Hna: Kachin rakulh, Shwe Ku peng Kyaukgyi khua in Myohla khua lei ah Ayeyawady tiva in a kal mi SAC ralkap seh tilawng 4 cu April 3 zing Sml 6:30 ah Myohhla PDF nih rak bawh in an kah hna i tilawng pakhat cu a pil, tiah theih a si.

Cu tilawng 4 cu Myohhla PDF nih 74mm hriamngan le hriamhme he an kah i tilawng pakhat cu a pil. SAC ralkap hna nih an riahcaw pawl cu heh tiah an thiar, tiah Myohhla PDF nih thawng an thanh. SAC ralkap lei nih hriamngan in an kah ve hna nain Myohhla PDF lei hliam tuar um lo tein hnu an tolh ṭhan, tiah theih a si. Credit; The Chin Post

Thawng pang dang A caan hi a dikdir in cun kai chingchiah kho hmiah loh.Asinain hi ti hin tuak khawh thulh cu a si ve.Kawl ralkap nih C.N.A bomh ruang ah Atlem an tleih a thaihzaan bak ah a si. A hmun cu Sopum khua taw Rul-lei chochuah ah a si.

A ruang cu Sianginn khar kar, pocket money caah lamcawh in hlawhfa rian kan tuan ruang ah si.A suimalam caan cu zingka 11.00 hrawng ah a si lai . Lahva kuang in Rul Lei cho kan van chuah bak ah khin bawibi tluan a hring mi le angki kep hrawlh bansau ai hruk mi pa ,khulrang tak in kan mahlei ah a ra thluah mah .A ho ko hme a si van ti na lak ah vate cheih thiam.

C.N.A ralkap ,pa huaisen,Ralceu dikdak a si ko hme cu. A hnu lei ka hei zoh cu minung pahnih thum hrawng khi an lu van manh bantuk, van pilter ban tuk in burbaluk phen ah ka hmuh hna. Cu lak ah cun Thlualam khuami pakhat ai tel . Cu pa cu Thantlang khua chung ah a tu le a tu a ra leng mang mi a si. Elaw hi pa hi.

CNA minung hme a rak si zuar hi , a ral a tha ko ee ,Than Tlang ah a rak ra lelek ko.M.I hmaicei,Tin Soe nih a tlai te lai maw cu ,a muai cawk lai lo si!! ,ti ah ka lung chung in kai ceih pah sep map.Ceu Ceu Ral Ceu  nih cun tha tho ngai in a van kan fuh.Rawl nan ei cang maw , zei ti ah dah nan rat an kan ti. Nizaan ah khan kan nau pa pakhat.

kawl ralkap nih Lal Luai certual ah meithal in an kah i a kut ah an khen.Ka nau le nih si an van chanh lio a si . Kawl ralkap bawi a ra ding a si le kan bawh cuah mah lio. Zaan riah caah Zawngtah nan duh maw an kan ti. Ceu Ceu he hin chungkhat ngai kan si. CNA a si nak na- in taksa in hawikawm le chung khat kan si nak nih kan i tleihchan nak hi asi.

Kan i hmuh lo nak caan zong a sau reng reng. A Bistol kha a bawngbi tai le a pang kar ah ai tenh.A Bistol cu a fa nawm te khi a si.Bia cat lo in ka in ruah hna. Zei kawng ngai ngai khi a si lo. Kan in ngaih nak le zeidah nan tuah tawn hei ti sawh sawh khi a si ko na in kan bia a cat lo.Kan nih zong zanlei sang a si thluahmah cang caah kan riah buk lei ah kan lan ve.

An nih zong cu ramlak ah an I zukphiak ve.Riahbuk kan phanh lai lamkual kual khat khin ka hawi pa nih riahbuk i a rak um mi kan hawi le kha OB palang a langpar in a van piah hna I an I lomh tuk ah an lam lo lawng a si.Zaan ih nak buk kan van sual i OB cu tilum vuaivai in kan cawh, hrai khat hnih cio kan van coh.Cu pah cun kan keng kan van samh ka ti luk lak ah khina mui menh luklak ko.

Cu zaan cu ke in lam kal ding kan I theih nak ah Na-ke kan chum i OB hen cun zaan riah ah kan ei. Zawngtah zong cu meh te kem a hong si fawm. A rak kan thawt tuk hring hran. Zaan cu tiva kam ah kan riak i kan I hngilh hlan chung paoh cu Hriangkhan civui lio nungak dawh pawl kong lawng kan ceih.Tikor hmawn dai lo,kan lu le chantling a van i tongh ah khin ruahhmai pup-pep -pup-pep ti ah a hong tla .

Elaw kan ti i kan ihphahtom a ran nak in kan zual. Rul Lei thlam ah kan tek. Menghnih hrawng ai hlat lai dah ka ti. Thlam chia te a um I cu thlam ah cun kan paruk in artlang in ka ih hna. Kan mit kan van chin lai maw chin lo kan van ti ah khin.

Kawl ralkap pawl an hong phan thup ko ee. Cawngleng he minung he porter phur pawl an si. Tho uh!! tho uh !! Sopum tiang kan thil nan kan purh piak lai a kan ti mei. Zeiti el awk zong a that lo caah an thil cu kan phurh piah hna.

Kawl ralkap bawi pa hi bokhat te ai benh i kumkul hrawnghrang hngakchia mihruh pacik te khi a si.A mui hi sachia-ek bang mi mit a hlang lo..A dawh lo ning a mah Nungak nih cun an uar ngai an ti.. A holh a ran ning hi a mak . A cawleng he porter ah an dawhmi.

Hmunlipi kan u pa he hin an i chawn kho ngai. Cu Hmunlipi kan u pa cu a kawlholh a ran ve ning ah hin a mak ve. A holh cu a rang tuk ko na in kawlholh cu a thiam tuk lo.Phakanh hrawng ah thla thum hrawng lung hring va co seh law cu nak cun kawlholh i hrawt seh law ka lawh ter. Kawlralbawi holh ran ruang ah a holh a ran ter sawh sawh bia tu khi a si. Cun ralbawi pa zong nih cun a bia kha a hei ngeihpiak lemlo le a si lai zei a hei ti lo . Asinain , kan nih caah cun an holh a ran ning le an i chawnh khenh ning kan zoh hna ah a thli te in hmai i huh i dang huah mah in nih ksan duh .Tluk ceo le angkhat bak an si.

Cu lio te ah cun ,kawl ralbawi pa te cu kan mah lei ah a ra i zei tuak mi dah nan si a kan ti. Lamco- thing-aat kan si hei ti salam ko ding , Sianghleirun sianghngakcia kan si kan hei i ti ve thulh. Ziah Sianghleirun Sianghngakchia nih cun lam hna cu nan cawk.

Rangoon ah ye-khe-chawng zuar u law nan miak deuh lai ti ah ruahnak a kan cheuh ve baak. Cu ruahnak a kan peh mi cu kan ruah than caan paoh ah hin kan ni leng mang hna.Kan hawi pawl kan I ti hram caan paoh ah Rangoon ah Ye-khe-chawng va zuar kan I ti phah lan a tu tiang.

Chochuah lai lam kual kan phak ah khin kan thlang in rang tum hramh tam lio lam chak ah kan paoh i lam thlang lei ah a zuang thluah mah. Cu zan tim le khua mang porter kan phurh lio pi ah cun ralbawl pa te nih cun an kan dir ter dih. Zei ruang ko ah hme a si hna ti na lak ah rangtum tleih hong ka bawm uh cit ka duh ti a si .A zee.

Lo bak!!.Mihruh pa te !! hei ti lawng hmanh in ai za ding khi a si lo na in a meithal kan tih ruang ah kan zoh sawhsawh ko. Cu ah cun kei mah le ka hawi pa kha a van kan sawh le hong ka bawng uh rang kan dum hna la a kann ti. Cu zaan cel ngel cu ralkap angki he ai lo mi angki lum kai hruh. Rang tum dawi ah cun chuk ah tlawm pal kan van zuang ah khin ka lung ah a hong chuak duk mi cu.

e heu Ral Ceu le a hawi le nih kan bawh an ti mi pa hi a mah hme a si ko hi ti a si. Ka thil thuam nih le ralkap thil thuam he ai lo tuk hawi. Zei ti hme kan si ne lai ti ah khurkha za za ka ruat. Cu lio ah cun ka lung a hong chuah mi cu Laihla tal sa pak ning law ,CNA pawl nih laimi ka si an kan theih lai I an kan kap lai lo ti a si. Cu le cang ka cun kan inn thlang Bawi Cung pa nih a phuah mi Thlapa tal ah kan mit vai tong seh ka dawt nun-hnem te ti mi ka sak cawlh.

a mah bel te thlapa cu a vang lo.Ceu Ceu le a hawi le nih hin ka hlasak an theih ruang maw a si hna zei tin hmanh in an kan ti lo. Ralbawi pa zong a luat phah.Asinain Kawl ralkap bawi pa nih Lairalkap pek mi zawbgtah kan ei kong thei hna seh law cu kan awl lai lo.Kan cem thei.(ACCC Mekazin ah ka rak tial mi a si)By Kawlpi.