Mui Dawh Nih Si Fawn Ral Tthat Nih Si Fawn,Uar Um Tuk E.

A Nusal Kho Taktak! Uar A Um Lawlaw Bak Khi A Si.2021 March 1, Myitkyina Myo ah Cycle in Ralkap uk duh lo nak a langhtertu mipi pawl cu Ralkap le Palik nih Meithal in an kah hna i, an then hna, an tlaih len hna caah nu pakhat nih a Motor in Palik Motor cu kal kho lo ding in a kham, a phih. Cu hnu ahcun Palik nih an tlaih ve tiah thawngtheih a si. A tu hi Myitkyina Thawng-inn ah an chiah ve cang.

An tlaih mi nu hi License a ngei lomi a Motor in Palik Motor a kham caah Tazacuai a si tiah a mah he aa naihniam mi pakhat nih a chim. “An tlaih mi nu hi Aa-mah-khan tuah piak zong a ngah lo. A tlawmbik Thawng-inn Kum 2 chung thlak khawh a si tiah an chim. Ralkap uk duh lo nak a langhtertu mipi pawl an himnak ding le an tlamtlinnak dingah Palik Motor cu a Motor in a kham caah a mahtu tlaih a tong i, kan lung a ttha lo ngai tiah” a mah he aa naihniam mi pakhat nih a chim.

March 1 zinglei hrawngah khan Myitkyina Myo ah Cycle in Ralkap uk duh lo nak a langhtertu mipi pawl cu Palik Motor in an dawi hna i, an tlaih hna. Cu lio ahcun Nu pakhat nih mipi pawl an himnak ding le an tlamtlinnak dingah Palik Motor cu a Motor in a kham hna caah Palik nih an tlaih hi a si. Mipi zawnruah ah tlaih a ton mi cu zaangfak ngai a si ko nai, a raltthatnak le a thiltuah cu uar a umbak ko.

Credit: Myitkyina News

Be the first to comment

Leave a Reply

Your email address will not be published.


*