Myanmar Ah Facang an cin mi Pawl  Cu An Thi

India ram Manipur state ah Myanmar minung 5 An tlaih hna – India ram Manipur State Churachandpur district Ngathal khua i inn pakhat ah Myanmar rammi 5 cu August 9 ah Manipur palek pawlnih ramdang sinak case in an tlaih hna.

Hi kong ah abuai pi tu U Thein Myint nih Manipur palekk pawl nih tlaih mi Myanmar mi pawl hi Pa 4 le Nu 1 an si. Tu tiang ahcun an sinak le an tuanmi pawl ching ding a thiang rih lo. India ram i um khawahnak ca an ngeih lo ruangah ramdangmi sinak (cause)in an tlaih hna hi a siko. Kan si khawh chung in kan buaipi cuahmah hna tiah an chim.

Kan hnu June 28 zongah khan Manipur Churachandpur ramthen chungah Myanmar rammi 20 leng cu tliah an rak si cang. Ralhrang nih rampi nawl ngeihnak a lak hnuah India cozahpi nih Myanmar ralzam pawl a pom lo i, a ramchungah umter a sianh hna lo.

Manipur State zongah India cozahpi nawl an zulh i, an state chung ah a um mi Myanmar ralzam pawl an tlaih pah lengmang hna hi asi. Hi bantuk in asi cuahmah ko lio ah hin cheukhat cu athli tein Manipur State chung ah a um mi Myanmar ralzam an um rih. Hi bantuk caan ah Mizoram State tu nih cun Myanmar ralzam pawl cu India cozahpi sian lo bu in an pom i, a tha bik in an zoh khenh hna an an rak bawmh lehlam hna.

Myanmar Ah Facang an cin mi Pawl  Cu An Thi – Myanmar ram chung ah facang acuah tambiknak hmun pakhat Ayeyarwaddy ramthen chungin District 5 ah facang an phunmi pawl cu an thi dih hna i lo riantuan pawl khuarauah har vansang in an um hna.

Lo riantuan ve mi pakhat nih A hmasa ahcun cengkol an tla hna i, facang phunmi a hram in an ei hna caah kan ngeih chun phaisa he cengkol thahnak sii kan cawk. Cu hnuah pangang an rak tla  than i, lo riantuan tu pawl kan buai dih. Facang phunpi pawl an ro dih hna i, tlawmpal  aruahcun a athu an man dih. Hi bantuk in an I tuah hi cu facang zawtnak phunkhat asi tiah achim.

Datsi man a kai tuk caah, Non man zong a kai. Thilri man a kai tuk caah kan ngeihchun mi tein lo rian kan tuan i, a tu ah kan facang zawtnak phun khat ruangah facang pawl an thi dih hna. Cutikah phaisa kan ngeih mi nih akan zat ti lo caah hi ti hin kan zoh sawh sawh ko cang tiah achim.

Ayeyawaddy ramthen sungin Myiangmya myone ah eka 1300, Pathein myone ah eka 1200, Letpata myone ah eka 600, Ma Upin myone ah eka 1200 le Phiapung myone ah eka 700 hrawng cu facang zawtnak in an facang phunmi pawl an thi dih ve. A tu i facang zawtnak phunkhat an timi cu dawm(non) le pangang sii thaten hman ahcun a tha kho mi asi an ti. asi nan, lo riantuan  pawl nih duh ning in dawm le pangang sii an I cawk kho lo.

Thlaicin ningcan cawnpiak tu le athiam ngai mi pakhat nih A tu lio hi Ayeyawaddy ramthen chugah achuak mi facang zawtnak hi phun 2 in then khawh asi ati. Hi bantuk hi cu lo rian an tuan caan ah duh ningin an tuan kho lo, tha tein alo an tuah piak lo ruangah asi kho i, dawm le pangang sii an hmang kho lo ruang zongah a si kho. Hi bantuk facang zawtnak cu tangka tampi dih lawngin a zohkhen le kham khawh asi lai. Cengkol nih an ei hnuah pangang a tlak chih tikah, zohkhen le kham ding ah a harsa tuk cang tiah achim.