Myanmar Palai Kyaw Moe Tun nih Ralhrangbu cu fak ngaingai in dantat piak ding ah UN General secretary sin ah Ca a kuat cang

Myanmar Palai Kyaw Moe Tun nih Ralhrangbu cu fak ngaingai in dantat piak ding ah UN General secretary sin ah Ca a kuat cang
=====================

Myanmar ram ah Ralhrangbu i mipi tlaih le thah nak pehzulh in thil a cang cuahmah ca’h Vawlei cung ram kip nih Myanmar ram he pehtlai in ” khualrang tein tuah ding mi, thiltha a chuahpi kho i, hmual a ngei i, tuanti i, a chuahtermi thil/ a phi cung ah dantatnak” a rankhoh chung in tuah a herh tiah UN i Myanmar Palai U. Kyaw Moe Tun nih UN General Secretary Antonio Guterres sin ah cakuat a tial.

September thla ni 17 i catial thanhmi zong ah ca chung ah ram kip nih ralhrang cu a mah pakhat lawng um ter in hrelh ding le Myanmar ram pumpi democracy lamtluan ah a phan hlan chung poh cu ralhrangbu cu bomhnak paohpaoh chahpiak/pek lo ding ah a fek mi tuahsernak a herh tiah a langhter.

Ralkap nawl ngeihnak a lak hnu ni 220 lonh ah mi 1000 reng lo thah an si cang i a thong thong in tlaih le hrem an in tiah U. Kyaw Myo Tun nih a cakuat ah a tial. September thla ni 9, Magwe ramthen Myinthaa(မြင်သား) khau ah ralhrangbu nih a kah ha ruang ah khuami a tlawmbik pa 18 an thi i September ni 10 zong ah mah hmun cun Hnanhka(နှမ်းခါး) khua ah inndong 36 cu mei khangh piak a si tiah a langhter.

Mah cakuat he cun catlap tlap 7 a tel mi zarhfatin Myanmar ram thil sining cu caukhme pa 1 zong cu United Natons General Secretary sin ah a kuat chih tiah theih a si. U. Kyaw Moe Tun cu tu nai September ni 14 tuah mi UN General Assembly ah khan Myanmar Palai dirhmun in kai nak onh a si.

Sihmanhsehlaw, UN nih cun NUG nih a chim mi U. Kyaw Myo Tun cu a theih pi te lai ma, ralhrangbu nih a chim mi U. Aung Thu Rein cu ma a thim lai, Siloah hohmanh thim lo in ngolter(suspend) ma si lai ti cu ram 9 i tel in serthar mi, a tlak mi si nak hneksaknak Bu (Credentials Committee) nih bia a khiah tel lai.

UN General Assembly i a hramthawk khua khannak ning cun General Assembly a donghnak ni September ni 27 ah Myanmar ram lei in biachim nak ngeih ding a um. Crd; BBC

Be the first to comment

Leave a Reply

Your email address will not be published.


*