National Unity Council Ah,Dr.Sasa Le Dr,Lian Hmung Sakhawng Cu,Union Minister Ah An Ni Tel.Van Thio Hi khawi Ka Dah?

February 1 in Kawlram cu Min Aung Hlaing hruaimi ralkap nih uknak a laak tthan ti cu theih cio a si i, kawlram mipi lung si vang le ngeihchia ngai in caan kan hmang cio hna.

Kawlram chung a khua kipah cu ralkap uknak duhlonak cu langhter in lam zawh cio a si i cu lamzawhnak ahcun CDM (Civil Disobedience Movement) cu ichirhchan a si. A tawi fiannak in uknak an laak ka in a tu tiang ah minung 700 reng lo ralkap kah nak in an nunnak a liam cang i minung 3000 renglo hi tlaih khih an si cang.


Cu tikah CRPH nih hnawhsare ngai in NUG(National Unity Government) cu a dirh i cu a ser mi National Unity Government chung i lutlai tu hna ahcun thonginn ah aum cuahmah mi Aung San Suu Kyi cu ruahnakpetu ah an thim tthan tthiamttthiam i president ah Win Myint cu thim a si ve.

Hi hna pahnih hi NLD hruainak zongah lutlai dirhmun ah a dir mi an si i a tu bantuk tein an hmunhma zong ai thleng lo mi an si chih. Hmanhsehlaw 2020 thimnak ah Lai mi nih vote kan thlakhnawhnak a ruang bik a si mi Pu Henry Van Thio cu tutan lutlai thim mi ah a mui sam a leng hraw ti lo. Zei ruangah dah thim a si lo le zei ruangah dah mipi thim lo mi tam ngai thim an si nak a ruang zong theih a si rih loh.

Hmanhsehlaw khat lei kam ruah ahcun Lai mi( Chin mi) chungin pa can ah kan i ngeih mi hna Dr zong a si mi, Dr Lian Hmung Sakhong le Dr Sasa zong Union Minister ah an thim hna tikah Chin miphun cu kan hmai a hngal ngai ngai.

Credit : The Chin journal

Be the first to comment

Leave a Reply

Your email address will not be published.


*