Nepyidaw I Duh Lonak A Langhter Mi,Sianghngakchia Hna Cu An Tlaih Hna I,An Kalpi Thuahmah Cang Hna.

Ani din kar ah an tlaih hna i an kalpi thluahmah ko hi, Poi tuk e. Yangon le Nepydaw ah cun tu le tu tlaih atam chin cang. Tu hi phon ean chawnh cuahmah hna. A buai kho tuk e. Min Aung Hlaing hi cu Rampi an kan buaiter tuk hi ta. US nih tlaihnak cathanh a chuah i an tlaih khawh ahcun a cei ngai te lai. A tuahsernak hi a zun ṭhan te lai. Zun lo a ngah lo. A tang hi tahwngpang dang a si.Tuzan cu Kawlram pumpi zanttim nazi 1 am in zinglei 9am tiang internet line le phone line phit a si lai an ti bantukin a tak in an phih taktak.

Chun ah Yangon khuapi chung Tank motor tampi le palic mortor tampi khua aa chawk caah mipi thinphang dai lo in an um. Cunglei nih nazi 1 am in line phit a si lai an ti bantukin zanttim nazi 1am bak ah internet line le phone line an phih taktakko.Tu bantuk in Internet le phone line phit a si tikah ramleng ummi hna siseh, ramchung ummi khuakhat le khuakhat thawngpang ithei kho lo in kan um se.

Tuzan Internet line phihnak kong he pehtlaih in Yangon hrambunh BBC thawnglatu a chimmi cu, Sandahpiahtu hna fahnak pek lo ding in Kawlram ah rak thlahmi ramkip palai (International Ambassadors) hna nih ralkap cu an nawl hna tiah a chim.Kawlram chung a ummi American rammi cu February 14, Zarhpi zan ah leng chuak lo ding in US Embassy nih ralring a pek hna. Yangon khuapi chungah tank motor hna le ralkap motor pawl hmuh an si hnuah phone line le internet line a phih dingmi thawngpang a leng tiah BBC nih alanghter.

7Day News Journal nih Internet line an phih ruangah ram chung mipi thinphan in an um tiah a langhter ve cang.
Cu bantukin zei thawngpang chia dah kan theih te hnga kan ti lio ah thawngpang tha theih a si cang. Tuzan Kawlram kong he pehtlaih in Christina Jerry nih “Yangon myone tampi ah thawngpang chia um loin a dai lio a si rih. Electric mei zong pehzulh tein a ngah rih. Internet Line tu cu phih a si rih. Phone line zong hman khawh a si rih lo.

Mandalay ah vanlawng zuang thawng kan theih an ti. Nain fehter a si rih lo. Kawlram pumpi khuapi dangdang zongah zei thawngpang chia theih a um rih lo. PS voidang nakin an dai deuh i, mipi an thinphang. Mipi nan nun him ko seh. Ka tuah khawh tawk in ka rak in telpi ve hna” tiah a chim hi a si

Be the first to comment

Leave a Reply

Your email address will not be published.