Ngaih achia Tuk e, tunii 25 ah SAC Ralhrang Ruangah Taal Khua Inn 10 Cu Zeihmanh Tang Loin Aciam Dih

25-October-2021 : SAC raalhrang pawl nih Taal Khua an khangh piak thaan hna i Inn 10 cu a zeihmanh chuah manh loin a ciam viar tiah khua mi sin in thawng theih a si. Kan hnunglei deuh te zong ah khan Taal khua hi Raalhrang hna nih khangh piak an rak tong cang, tuchun inn an khangh mi he fonh cun tam tak tak an khangh piak cang hna.

Tuni 25-October-2021 ah khan SAC raalhrang pawl nih cun Chinram chung Falam peng i a um mi Taal khua minung umnaak inn pa 10 cu an khangh piak hna i, a inn hra 10 ning bak in thil zeihmanh chuah manh loin Vutcam ah a cang dih tiah khua mi nih an chim.

SAC raalhrang pawl cu nizan, October ni 24 ah khan Taal khua ah an riak i, October ni 23 ah khan raalhrang hna Motaw 50 hrawng cu Falam Khuapi lei panh in an kal i, Ramthlo khua ah an riak tiah theih a si.

19-October-2021 kan hnuzarh cacawn nihnih ni zong ah khan SAC raalhrang pawl nih cun, Falam peng i um, Taal khua minung um naak inn pa 3 cu an rak khangh piak cang hna.

A liamcia mi 22-July-2021 zong ah khan SAC Raalhrang pawl cu Taal khua ah an rak phaan i, Taal khua mipi hna cu raalzaam in hmun dang dang an rak zaam bal.

23-August-2021 zong ah khan, SAC raalhrang pawl cu an raak than hawi i, Taal khua an Biakinn le, Minung um naak inn chung hna ah an luut i, raalhrang hna cu an duh ning poah in Taal khua ahcun an rak um cang fawn. crd : Zalen

CDM tuah tu bothum pa Captain Aung Myo Htet

LID – 66 timi tah-mah 66 tang ah a umi mi LIB – 80 (kha-la-yah 80) in Captain Aung Myo Htet cu SAC ralhrang kaltak in CMD a tuah tiah kan theih.

LID – 66 hi ralkap nih uknak a lak hnu in ral doh ah hman bik mi le kaa kip in kuat mi ah an i tel.

Chin ramkulh zong ah hmun tampi ah an rak kuat i Thantlang ah kan pa le pahnih a kah that tu hna zong LID 66 tang a ummi in an si.
The Chinland post

Be the first to comment

Leave a Reply

Your email address will not be published.