Ngaih Chia Kho Tuk E Ralhrang Ruangah Hnuk Ding Lio Hngak Chia Te A Nu Nih Thih Tak Ca Ah Hngak Chia Te Cu

Nizaan tihni May 28 zaan i Tahan khuapi chung thil cangmi nih Chin miphun kan ngaih a chia cio, kan thei cio bantukin Kawl ralhraang nih zeihmanh tuaktaannak ngei loin heh tiah Tahan khuapi chung le a pawngkap khua tete ah bomb an thlaak thluahmah kha a si, cu ah cun Nau no a ngei liomi Nu Puipuii telh in minung pathum nih mual a kan liam taak, hliamhma faak piin a tuarmi zong an um rih. Hi Bomb hi SAC ralhraang nih Tahan khuachung ah muih lai sang hrawng an puahmi a si khuami nih cun an chim.

A thi mi chungah Pi Puipuii ((MC Vanlalawmpuii), kum 25, hi aa tel ve, a nih hi fa no thla ruk hrawng ngei lio mi nutung no a si, Tahan Veng, D Group ah a pasal Malsawmdawnga he khua a sa ttimi an si. Puipui Khrihfabu le zatlang cawlcanghnak ah a nungak lio le bang ahcun thazaang a chuah kho taktakmi a si tiah an chim. A tubantuk in bomb nih a tlak tikah nganfah zong tuar manh loin a pasal le a fa thla ruk ngakchia cu a kal taak hna.

Pi MC Vanlalawmpuii hi nizaan 29 May 2022 ah khan a ruak zong an Khrihfabuu(PCM Venglai) Rev Lalsangpuia nih tlamtling tein a vui cang tiah theih a si i. Hi ka zawn ah ngaih a chia khunmi cu a fa thla ruk tluk bawhte a kal taakmi hi a si, Puipuii a ruak an tthutpi lio ah hin a fa nih cun heh tiah a ruak kuang ah a hawh i a nih hnawh leen, zoh ah ngaih a chia hringhran ko, Pathian khuakhan ngai hi theihthiam a har an rak timi hi a rak dik tuk.

Nizaan tihni Tahan khuachung bomb puahnak ah Puipuii telh in minung pathum an nunnnak a liam tiah theih a si i, hliamhma faak in a pumi zong an um. Agape siizung hnu lei ah bomb a tla i Minkin in Tahan lei ah ralzaam in a rak ra mi hringtu a nu le fa kum 20 tluk a simi zong bomb puahnak in an nunnak a liam ve. Pi Puipuii hi an innpa a si i hliamhma faak ngai in a tuar tikah May 29 zinglei suimilam 1:00 AM hrawngah a nunnak a liam hi a si. A kal taakmi a pasal le a naute caah thlacam in bawm cio hna usih.