Ngaih Chia Tuk E : Duh Lonak A Langhter Ve Mi Ngak Ttah Pa Cu Police Nih An Vuak Nak Ah A Nun Nak A Liam.

Zangfaktuk si ko e : : Myanmar Ralkap Nih An Kah Mi Hngakáš­ah Tlangval Kum 20 Pate Cu An Vuak Nak Ah A Thi.Myanmar ralkap pawl an cawlcangh ning cu tih a nung chin lengmang ko zoh sawhsawh hmanh ah mi a rap tuk hringhran, mi kah , kutthlak , velhle dehcok hi cu an rian bak ah an i ruah cang.. An kut lawng hmanh in mipi hi an thongh cang hna.

A bengh loin meithal tawka in minung an sawh hna, an vuak mi hna hi a thih phah mi an tam tuk cang.March 5, nizan zong ah khan Mandalay i daitein lamzawh i sandahpiah nak a nei mipi cu ralkap nih an meithal puah bu in an dawi hna i Mg Naing Min Ko ( kum 20 ) pate cu a ke ah an kah ngah. An ke i an kah ngah tikah cun a zam kho ti loh i, ralkap pawl nih cun a tluk nak hmun ah an vuak chih thluahmah.

An chuih an lamh meithal taw in an sawh len, cuhnu ah cun ralkap pahnih nih cun Mg Naing Min Ko cu an liangah an i khinh i a thi cang tiah thawngthanh nak an tuah. Ralkap paw an rapthlak ning cu Mg Naing Min Ko thih nak kong an thanh i namte hmangin ralkap a hrocer ruangah ralkap nih an thah lawlaw mi a si tiah an ti.

Asinain, ralkap nih Mg Naing Min Ko an kap ngah hnuah an vuak lio , an thiar lio pawl cu CCTV ah record a rak um. Mg Naing Min Ko cu Mandalay 88 le 43 lam karlah ah a u he a um ti mi nulepa a nei ti lo mi a si. News Journal

Credit : VAPUAL AUAW

Be the first to comment

Leave a Reply

Your email address will not be published.


*