Ngaih Chia Tuk Hringhran E : Chin Chin Le Van Lian Ceu An Um Nak Theih A Si Ti lo.

Van Lian Ceu le Chin Chin Ralkap nih Lampi ah an fir hna, an umnak theih a si lo.Nihin March 9, 2021 Kalaymyo Sandah piahnak ah aa tel ve mi, Sanmyo ah a um mi Van Lian Ceu le Chin Chin cu Sandah piah hnu ah Ralkap nih an tlaih hna i a tu tiang an umnak theih an si rih lo tiah kan theih.

Van Lian Ceu le Chin Chin hi Sandah piah a dih hnu ah Cia-Inn khua ah an va kal, cu ahcun Lampi ah Ralkap tapung nih an tlaih hna i khuazei dah an hruai hna timi zong theih a si lo. Cheukhat nih an chim nak ahcun an pahnih in Ralkap nih hramhram in an hruai hna, an motorcycle zong Ralkap motor cung ah an khin chih tiah a chim mi an um. A si nain khuazei ahdah an hruai hna timi a thei mi an um lo.

Atu hi chungkhar lei zong lungre a thei ngai cang, an mah ti khawh tawk in chungkhar lei zong nih an kawl len ko hna nain an hmu rih hna lo ti asi.

Zaangfah tein an thawngpang a thei mi, an umnak a thei mi, an tlaih hna lio fiang in a hmu mi nan um ahcun Cechael Cung Hnem Iang timi facebook ah thawng kan thanh colh cio hram uh tiah nawlpatnak an tuah.A rannak in na hawile sin ah share kan tuah piak hram ve.

Be the first to comment

Leave a Reply

Your email address will not be published.


*