Ngaih Chia Tuk Si E Kahdohnak Ah A Nunnak Liam Mi Salai Alexander Sang Kung Thang Ruak An Lak Khawh Cang

May 9 lio ah Kalay peng Yeshin le Donwe khua pawng kahdohnak ah a nunnak a rak liam i a ruak an rak lak khawh lomi Salai Alexander Sang Kung Thang (Kum 17) ruak cu ni 12 a rauh hnu, Nihin May 21 chun slm 12:25 ah kan lak khawh cang tiah PDF- Kalay Battalion 7 hruaitu pakhat nih The Chin Post ah a chim.

May 9 zing slm 8:00 in zaanlei slm 4:00 tiang Kalay peng Yeshin khua kam ah PDF- Kalay Battalion 7 le SAC ralkap an rak i kap i SAC ralkap 7 an rak thi i PDF Kalay in Salai Stephen Biak Tha Thawng le Salai Alexander Sang Kung Thang nih ram le miphun caah an nunnak an rak pek, Salai Stephen Biak Tha Thawng ruak cu a ni ah an rak lak khawh i Salai Alexander Sang Kung Thang ruak cu an rak lai kho lo i Ni 12 hnu, Nihin May 21 chun slm 12:25 ah an lak khawh.

Relchap, Kan hnung Lungler sakhaan laak tan ah kan pasalttha, a ke pahnih bulmi, Salai Peter Sui Hnin nih a ttialmi a si. Thil pakhat khat kan ton hnu ah khin kan ton te ding khi a caan ah cun a thei cia mi kan lo tawn. Lungler ralhrang umhmun khurnak(camp) kan lak lio kan rak i hliam hlan ah hin zingka te a si, ruah tlawmpal a sur pah caah inn pakhat ah kan rak i dor, cu inn cu khua he zong a hlat pah ngai mi a si, inn zong hi a tha ngai nain mi an um lo, cu inn ah cun electric hri pakhat inn leng ah ka hmuh.

Cu lio i ka lung ah a um tuk mi cu, mah inn hi inn tha tuk zong a si ko mi nih le an um fawn lo khua he zong a hlat ko fawn caah mah mei hri khi kawi ka lei in dah a rak hna tiah kua ka ruat, ralhrang pawl nih bomb an chiah nak hna si sual han ma tiah ka lung ah a um ngai,cu lio ah cun electric mei hri ten nak cerep ka ken caah ten ning law a tha hna ma, bomb an chiah nak hna a si sual lai ti ka phan, ka lung ah a um tuk ko nain zei hmanh cu si lai lo tiah ka ten than lo, kua a ceudeuh thluah mah, kan i kap cang meithal thawng a than cang caah kal kan i tim i tlawmpal kan kal bak ah khin ruah lo pi in bomb nih a rak kan tlak i kan i hliam hna mi hi si.

Mah caah cun thil pakhat khat kan ton hnu khin kan ruah than a si ah cun kan ton lai ding a thei cia mi khi a lo mi a tam ngai tawn, kan pasal tha hna nun nak a liam mi hna zong khi an thih lai hi tlawmpal te tal cu an i theih cia ko men lai dah ka ti, a liam sia hi herh tuk ve ko lai dah, khi ban tuk lio caan kan pasal tha hna nih kan him lai ma him lai lo hmanh an i theih lo lio ah tu ni tiang kan ram buai nak kong ah a theih ter lo mi kan tam tuk rih, thawhbul lein a lungkhong mi kan tam tuk rih, mah nuamh nak men mah pawkhim nak ca men ah a ruat mi kan tam tuk rih, thih hnu ruak cung lawng ah a daw mi kan tam tuk rih, a thi cang mi bulh nak ca long ah phaisa thawh thei mi kan tam tuk rih.

A nung rih mi a dam rih mi kan pasal tha hna kan ralkap hna khi kan philh tawn hna, cu caah kan lung fim cang seh, a hngilh ter mi pawl i than cang hna usih, kan thih hnu le hliam kan tuar hnu long ah rak kan daw ti hlah uh kan nun dam lio te hin rak kan daw cang uh, riahcawh rak kan rawnh uh, hriam tha kan cawk piak uh, kuan le zeen tampi kan zal ah kan sanh piak uh, kan him nak ding caah Pathian sin ah thlacam daithlang hna hlah uih, Lungkhat tein le lungrual tein kan miphun, kan ram chanchuah nak ah thazang chuah chin rih ko hna usih.” ti’n a facebook timeline a langhter.