Ngaihchia Tuk Si Ko,Min Aung Hlaing Ruangah Chin Mi Phun Ni Kan Tuah kho Hnga Maw?

73nak Chin Miphun Ni Live in tuah a si lai: Chin miphun ca ah kan ni sunglawi a si mi Chin Miphun Ni cu a ruang tampi ruang ah cozah lei nih 73nak CND cu tuah an i tim lo. Chin Miphun Ni tuah lo ngaingai cu kan lung a nuamh hrimhrim lo ca ah, Hakha Ca le Nunphung Riantuannak Bu nih Live in tuah kan i tim. Thlacamnak, ram hla saknak, Lai laam hmuhsaknak le biachimnak in a tanglei hmun, nithla le caan ah tuah a si lai.

A hmun : CACC Hall, Zahu Road, Dawrthar, Hakha.
Nithla : 2021 February 20
A caan : Zaanlei 2:00pm
Cred: Thehakhapost

Relchap: Final round kan phan cang teinak aalaan kan tun deng: Atu lio Kawlram dirhmun cu final round ah kan um. Puai 4 tiang ah Knock out in kan i tei khawh ti lo caah atu zarh hi final round a donghnak puai si cang. Referee pawl nih tuzarh cu teitu thawng an thanh cang lai dah. A ho dah point tam deuh a hmu i teitu a si timi kan theih dengmang. Ramchung ummi nan thachia hlah uh. Teitu a simi cu hruhru hranghrang in an um bal lo.

Ralkap an thiltuahmi ningcang an tlai ti lo. An thluak le fimnak nih mino hna an thiamnak a phanh ti lo caah heh tiah hriamnam an hmannak a si.Min Aung Hlaing hi zoh ah zaangfak a si.Than Shwe le Ne Win he cun tahchun awk a tlak lo. Anmah bantuk in thil ka ti khawh lai ti aa ruahmi a chunmang a lo dih. aa-naa lak le midang aanaa lak zong an lo lo. Zeitin a piahtana phisinnak lam a thei ti lo.

Atu hi mi zeimaw thil thlithup theitu hna nih cun Kawlram chung hmanh ah a um ti lo. A zam cang an ti. Cu chinchap lo ah US nih Kawlram a minung vialte ralrin te um le i thuh a fial hna ti zong a leng pah.Cucaah mino sandahpiahmi le CDM tuahmi ralkap nih an celh ti lo.An hrang chin cang lai. An ningzah celh lo ah hranghrang in mipi tuah antimh. Anmah tuah ngam tung loin misual le zeithei lo phaisa phalh in heh tiah zan ah an vah ter hna .

Final round kan phanh cang caah teitu thawng kan theih hlan cu ngol bak hlah u sih. Kan kut kan thlir deng. Teinak aalaan kan tun dengmang. Ceuh le deuh te a si cang caah mipi kan lung aa rual a herh. Vuanthan pohpoh leng chuah loin inn ah um a herh lio caan a si. A herh cun inn dangdang zongah riah ding si ko. Kan ton bal lomi lungetheihnak nih kan hmuh bal lomi lawmhnak a chuahpi lai. Cred: TCT

Be the first to comment

Leave a Reply

Your email address will not be published.


*