Ngaihchiatuk Asi Lampi Ah Eidin Azuar Mi Nu Ralhrang Nih An Thah

Yangon ramthen Kyi Mya Dine duhlonak langhter in lam azawh tu pawl cu SAC ralhrang hna nih an kah hna ruagah Lampi ah kal in pawcawm nak caah thil azuar mi nu pakhat cu meithal kuan nih akhen i anunnak aliam. Atu bantuk meithal kuan nih akhen I athi mi nu nihhin Naute pakhat aroh ta cun an pa(apasal) hi Seikaa( tungbing) mong in pawcamnak akawl mi asi i amah hi lampi ah eidin zuar in pawcawm nak rian atuan mi asi ve tiah Sad Myanmar Story cun atar lang.

Hi bantuk in kawl ralhrang hna nih hramhram in motor mi an pah le meithal in anthah hna lio ah hin thawng la tu minung 2 telh in sualnak ngei lo minung 11 an tlaih hna. Cun bantuk in SAC ralhrang nih thil an tuah mi ko ah hin America le ramdang tam pi hna nih an lau nak le akhuaruah ahar nak cu an rak langhte cio. Atu bantuk in duhlonak alanghter mi hna motor in thi lak mi an pah hnanak ah hruai tu hna le aa tel mi hna cu CDM atuah tu palek nih an mi le an si ning an langter hna. Cu pawl hna cu General Naibobo, Police Chief Maung Maung Mya, Deputy Director Win Zawwin hna hi an si.

Hi pawl hna nih hin duhlonak langter in lam azawh tu hnacu tlaih an duh hna caa avoi khat nak motor in an pah hna i hi voikhat nak an pah hna ah hi minung pa 5 thi i hliam atuat mi zong an um hi social media ah cun thilcang mi dihlak hi hmuhkhaw asi nain Ralhrang nih an amh social media ah an langter nak ah cun minung pakhat thil lawng an langhter.Cun atu tan mi tlaih le motor in mi apah tu hna lak i hruaitu vialte le an hnu zul vialte hi pakhat hnu pakhat in kan hlat dih hna lai i an um nak hmunhma (address) tiang kan pho zar dih hna lai tiah CDM atuah tu palek hna ni an ti ve.

Be the first to comment

Leave a Reply

Your email address will not be published.