Ngandamnak : Nu Caah Nau-in Cancer Aithok nak Ahram Thokbik Theihkhawhnak (Theihtlei & Ngandamnak )

Nupawl nih hin zawtnak phunphun lakah nau inn cancer ‘hnuk cancer nau inn kaa cancer ti bantukin zawt i thihnak tiang phanh hi a tam bik ti si. Kum 30 le kum 40 karlak ah hin nau inn cancer hi a chuak duh bik tiah mifim thiamsang hna nih an hmuh khawhmi a si.Zeiruangah dah nau inn cancer hi ai thok ti le zeitin dah ai thok tikah an um timi kan rak langhter lai.

Nau inn cancer ka si kho ko tiin lunghrinhnak na ngeih khawh a si ah cun a caan a luan hlante ah i thlop bul khawh a si i rak i ralrin khawh a si. Pakhatnak ah nau inn cancer zawtnak i a fah ning pakhat cu kan pum cu a sahal ngai lai.Na pum cu a hlannak in sahal deuh i na um i na pum cu meitil linh bantuk in an linh a siah cun nau inn cacer zawtnak hmuhsaktu pakhat a si ve.Cancer zawtnak rian a tuan ning ai thoknak hram a si tiah mithiam pawl nih a chimmi a si.

Pahnihnak ah cun kan tak pum hnulei kan tai a fah i zarhthum chung hrawng hna a fah ah cun na nau inn cancer ai thok caah a rak si kho.Nu pawl caah thil a hul cangmi na si zongah hi bantuk thil hi a um kho thiamthiam mi a si caah a si khawh chungin ralrin a herh.Mi zeimaw nu cu nau inn cancer ka si ko lai ti hmanh i theihthiam lo in um i a hnuah thlop awk tha ti loin a rak luan cangmi ti bantuk zong kan um len hna.

Cu caah nu nih cun kan i ralrin taktak a herh.Pathumnak ah rawl ei kaa thaw loin mi a tuah khawh.Zarhthum chung rawl ei kaa thaw lo bakin na um a si loah na paw cu rawl ei tukmi bantuk in a khim peng a siah cun nau inn cancer na rak ngei kho.Cu bantuk in nu hna nih nan um sual a siah cun dai thlang lo tein zei poi lo um lo tein siibawi sinah rak kal law rak i check colh hrimhrim.

Palinak ah cun a nu le tu nidang bantukin na zuun a chuah peng a siah cun nau inn cancer na rak ngei kho.Cu caah a cunglei i kan langhte mi bantuk hna i nu simi nih dam loin fahnak tuarin na rak um sual ah cun rak i ralring law doctor te sinah rak i piah colh.A hlan kan tein ralrinnak rak ngeih hi a rak tha bik ko ti kha siaherhnak he kan rak langhter duhmi a si. Credit : Ngandamnak

Be the first to comment

Leave a Reply

Your email address will not be published.