Ngeih Chia Tuk Ko E : Kawl Ram Chung Ni Hin Makuai Myo ( Maquai Myo) San Dah A Piak Mi Hna Cu Tam Tuk An Thi.

Ni hin Maquai myo i sandah piak mi hna cu,kawlram ralhrang hna le Police hna nih meithal in an kah hna i,Minung a tlawm bikah 6 an thi i, minung 10 reng lo nih hliam hma an pu tiah theih asi.a poi tuk hringhran ko. Sandah piak mi hna hi,lanmahci (main road) zawngah an paik ngam lo i, innkarlak lam ah an piak mi asi tiah theih a si.

Hi bantuk in dai tein sandah an piak lio ah cun, police le ralkap nih meithal in an kah hna ruangah a thi mi an si tiah,Maquai Myo i upa pakhat, min chim duh lo mi cun a chim.A tu lio ah kawl ram ralhrang pawl hi ni,nikhat hnu nikhat in an sual chin lengmang cang i kani ralrin a herh tuk ve ko cang.

Sandah a piak mi hna lakah nungak pakhat nih cun, kan hloh tlin hlan lo cu kan ngawlbal lai lo i, kan taksa le kan nunnak tiangin pek kani zuam lai tiah,ralttha tuk in a chim ve.A hliam mi hnalak zawngah hin,a zual hma mi an tamtuk caah,a thi mi zawng hi a tunakin an tam deuh kho men tiin a chim chap mi cu asi.

Kawlram chung ralkap uknak a duh lo mi nih sandah piaknak hi,a dai hlei lo i, mipi nih hin,thih ngamh in an cawlcang ve ko cang. Hi lio ah hin,Ralbawi pakhat min Aung Hlaing dawttu/changtu pa,Gen- Soe Win nih cun,mipi nawrhnak cu,kan doh pengko lai tiah a chim ve.

Credit : RFA

Be the first to comment

Leave a Reply

Your email address will not be published.


*