Ngeih Chia Tuk Si E : Rawl Kan Ei Cang Lai Ka Nu,Khawika Dah Na Um? Kan Ngai Tuk E.

Ka nu kha khoika dah a um? Ka nu kan ngai tuk ee. Mandalay ah sianginn cachim sayamah pakhat cu Kawl ralkap nih meithal in an kah i a nunnak a liam.A fanu te nih ka nu khoika dah na um? Kan ngai tuk ee tiin innkhar tung tlaih in a hlam lengmang ko. A nu a kalnak a theih ko nain a fanu a thinlung ai lungsak kho lo i ka nu khoika dah na um tiah a hlam lengmang.

Rawleinak cabuai a hun tuah i a nu a um ti lo. A nu hmanthlak te cu rawleinak cabuai cung ah a chiah i ka nu rak ei ve tiah a ti. Rawl a ei pah in nute a mitthli khi dor zeizat ko khi dah a hei tlak hnga mu. Rawl dolh kho loin voi zeizat khi dah a hei um hnag ee.A pawng an a ummi hna nih nute tap ti hlah mu tiin an hnemh len zong ah an hnem kho hlei lo. Ruah lo tuk in a nu nih misual hna kut tuar in mual a liamtak.

Ka nu mah ni ah khan kal lo tein rak um law tu bantuk thihnak fak thennak zong hi kan phan hnga lo mu. Ka nu ziah hme mah ni theng ah khan na kal tiin a fanu te hi a mitthli he khua a ruat ve lengmang ko lai.Kan ram cu misual damiah hna nih meithal kuan hmang in an duh poh an uk lio a si. Zantim le khuamang ah mi inn le lo ah lut in an duh mi thil poh kha an tuah. An duh mi minung poh kha an kah hna i an thah hna, an tlaih hna i an hrem hna.

Kan fale fimnak ca chimtu sayamah te hmanh an hrial ti hna lo. Kan zawt kan fah can ah a kan thloptu le a kan damh tu sibawi te hmanh an hual ti hna lo. Saram nak in a hrut deuh mi le khuachia nak in a sual deuh mi minung ruahnak a ngei lomi hna nih an duh poh in an kan tuah hi cu thinlung a fak ko.

Mi cheu chungkhar an tling ti lo. Rawl ei ah an hlam hna lai. Zan ih ah an hlam hna lai. Inn chungkhar an tling ti lo. Thih ciocio zong ahhin aw zeihmanh sualnak ngei loin mi kut tuar in thih hi cu a fak khunmi a si. Sii mu khat hmanh ding manh lo tein nunnak liam hi a fak bikmi a si. Tuar thiam a har ko mu.

Nute i lungsak ko cang ti zong ah nai lungsak kho bal lai lo tihi ho poh nih kan theih dih ko ee. Hmanhsehlaw nute na taksa caah fak tuk in tuar hlah mu. Thazang i pe law lungcan i pe kho.

Nikhat khat ahcun mu misual le mi tha lo pawl hi kan tei te hna lai. Lawmhnak ni a tlang te lai. Kan ral kan tei te hna lai. Khi tikah khin Kawlram sianginn kip ah na nu hmanthlak an tar lai i saya/ sayamah te le siangngakchia vialte nih na nu cu upat an pek te lai. Rampi caah nunnak pe ngamtu nusal tha fanu ti na si te lai. Hi tal hin na thin lung i hnem ko mu.

Be the first to comment

Leave a Reply

Your email address will not be published.


*