NGU Cozah Nih, Nihin Ah Thawngthanknak, A Vantuah Mi Cu, Min Aung Hliang Ca Ah Cun, Thinphhang Dailo Si Than Canglai.

Nihin zanlei ah NGU Cozah nih thawngthanhnak an vantuah than mi cu, lung a hmuikho taktak, tuzan rawng cu, Min Aung Hliang cu zeiti khindah va um nga.

SAC ralkap chung in, raldohnak vanglawng raldohnak tilawng ti bantuk hna he in CDM arak tuah mi hna cu US Dolar ting 5 laksawng ah kan in pek hna lai, tiah NUG cozah hna nih cun, thawng thnah nak an tuah hi a si.

Australia cozah nih a chim khap mi cu, CDM a tuah ralkap le police hna cu,visa a pekhna a ram ah tha tein a zohkhenh hna lai tumi thawng a um vial hmanh ah SAC ralhrang bawi an lau tuk cang ti a si i,

Ralkap le police CDM an tuah khawh lo nak dingah retheihnak phunphun an ser ti a si, a tu ah, NUG cozah hna nih atu bantuk in thawngthanhnak a vun tuah than hawi cang i.

SAC ralhrang hna nih raldoh nak ah, hriamam an hmenmi, Valawng, Helicopter, Tilawng, Tank, ti bantuk in, SAC ralkap hna nih, CDM a tuah mi hna nih cun, US Dolar in ting 5 bak laksong ah pek colh nan si lai tiah thawnthanhnak a vuntuah.

NUG cozah nih, cun thawngthanhnak a vun tuah bangin SAC ralhrang hna cu, zeitin dah kan chuah khawh la i, zeitin dah kan zamkhawh lai i, CDM kan tuah khawh lai, ti ruatmi antam tuk fawn cang lai caah ah.

Min aung hliang cu, zankhua dei in a lulawng a muaicang ko lai hi ta, NUG nih hi thawng an vanthanh cu a theih fawn tlunglai i, zanhmenh ah, an nu sin hmenh ah it kho ti lai lo.

Naihrawng nihnih chung cu, ka U Lian Pastor Lian Chawn tialmi cauk Ruahchannak Hmual ka rel. Laimi vialte nih rel dih hna usih law mah le mah nunnak lak hmanh a dong phah hnga ti tiang ka ruat. Cutluk cun a ttha, ka lung a ka ton. Ruahchannak a ngei lo mi cu, hrinnak a ngei ti lo mi thingkung ro pi khi kan si ko.

Mi dang ca cu chim lo, kanmah ca lila hmanh ah santlaihnak kan ngei lo ti khawh a si. Cucaah minung cu ruahchannak in a nung mi kan si bantukin kan ruahchannak hi zei cung ahdah hram kan bunh tihi a biapi ngaingai. Adele Shreve bang nih cun, ruahchannak a biapitzia hi nunnak he ai pehtlai a si kha fianghlang tuk in a hngalh caah hitihin a chim, Ruahchannak hi nunnak a si i nunnak hi ruahchannak a si ti.

Phun dang in kan chim ahcun, nunnak hi ruahchannak lo cun a thi. Cucaah a fek mi le a nung zungzal mi kan si nakhnga, Paul nih ruahchananak hramthlaknak hmun a kan chimh i cucu zeitindah a ti tiah cun, “Pathian nih Jesuh Khrih lawnglawng cu a hram ca ah khan a chiah cang i hram dang zeihmanh chiah awk ding a um ti lo, a ti (1Kor. 3:11).

Korin cakuat pakhatnak dal thum, caang hleikhatnak nih a nun ah bia tampi a chim i Pathian dawtnak pemtlak in a hngalhtermi Edward Mote nih ruahchannak he pehtlai in hla dawh taktak a rak phuah. A hla cu 1Kor.3:11 chirhchan in a phuah i ZBC Hla Cauk 320A zawn i Ka Ruahchannak a hram a fek, Jesuh Khrih thi lawng in a si. Ka bochan dang a um ti lo.

Jesuh a min lawng in ka tei. Lungfek in Jesuh ka bochan, adang bochan awk a um lo, adang bochan awk a um lo, ti kha a si. Edward Mote hi Khrihfa chungkhar in a thanglian mi a si lo; biaknak a domi nu le pa tang ah a um mi le Baibal rel a ngah a lonak sianginn ah kai in ruahchannak ngei lo in thawip taktak in a nun a rak hmang.

Sinain a tleirawl lio, kum 16 a si ah hrinthannak a co i cu hnu cun ruahchannak diktak nun khuallam a zul mi a si. Jesuh lawnglawng hi ruahchannak hramthlaknak diktak cu a si, amah hlei adang an um lo, bochan ding zong an um lo a ti. A hla biafang ah hlei le bochan nih kaupi a huapchih, sullam tampi a zawi rua, tiah ka ruah. Na ruahchannak amah cung ah hram na bunh ahcun na him ko lai, na ruahchan mi a tling ko lai ti khi si.

Tulio kan vawlei thilcang le sining zoh tikah hna a ngam kho ti lo; hi lio caan ko hi, ruahchannak a pih caan, lungdongh caan a tam khun. Zeicahtiah, zeizong vialte ai khar, vawleipi ai khar tikah zatlak a fak khun, khuasak tintuk kong ruah hrim ah thlaphang a si. Cheukhat ram hna ah cun nu le va karkhuah kar ah sikvelhnak, tthencheunak (domestic violence) a tam lio bik caan a si.

Aruang cu an rak i ruahchanning in thil a kal lo tik, chungkhar khuasak an ruah ah thlaphang in an um tikah a cang mi a si. Minung tampi nih an i fian lo mi pakhat a um. Lunglawmhnak i a ralchanh hi ngaihchiatnak a si lo thinhunnak zong a si lo.

Ngaihchiatnak le thinhunnak nihcun thil pakhatkhat biapi ah kan ruah rihnak, kan siaherh rihnak le kan tlaihchan rihnak a langhter ka caah san a tlai kho rih ti mi ruahchannak lila a ngeihter. A taktak ahcun lunglawmhnak i a ralchanh cu ruahchannak a reu i a um ti lo khi a si.

Hihi lungretheihnak, lungdongnak nih a chuahpi khawh mi zawtnak a si. Cucaah William Shakespeare nih hitihin a chim, Lungrethei mi nih sii phunkhat lawng an ngeih cucu ruahchannak a si, a ti. Ruahchannak ngei ko. Cu nai ruahchanmi, hmailei ah kan i lawmhnak niceu a tlang te ko lai.

muinak a kan phorhtu chum nak pi hi thli dai nih kianghiar in chem caan a phan te lai timi ruahchannak he Jesuh cungah i hngat ko, na ruahchannak cu an philhpiak lai lo.

Thawngttha chim thiam minthang pakhat, Max Ludoca timi pa nih Tuukhal ban ah himnak timi cauk ah a ttialmi ka uar tuk mi cu, Lungdong, nun beidongh kan timi cu, ruahchannak lam kawl in kan lu kan mer khi a si a ti. A chim duhmi cu lungdongh hnu pinlei ah khin ruahchannak a um kho ko ti khi a si. Fahnak, temtuarnak le hliamhma hna cu ruahchannak ca ah nunnak a pe mi a hmaisuang a ralkap an si.

Ruahchannak i a fuh mi himnak, zalonnak le luatnak caah thinlung sifah retheih temtuarnak hna cu lamkaltu an si hmasa tawn. Intuar khawhnak le hmailei ruahchannak fek nih hin lunglawmhnak mitthli a luanter tawn i lawmhnak theipar a thlum khun in a kan temter tawn.

Tuarnak phen thluachuah cu ruahchannak nih a hrin. Khrih temtuarnak phen ah a ummi ruahchannak cu, zungzal nunnak a si. Cucaah taksa in kan temtuar mi hna hi ruahchannak a kan petu an si ti hngal in, hi harnak chung in Pathian mithmai lang sehlaw ruahchannak nung kan ngeihnak ah cang ko hna seh.

Note: Ka U Lian Pastor Lian Chaw Cauk Ruahchannak Hmual ka rel lio ah ka lungum bia le amah tialmi chung in thazaang laknak si ko seh tiah, ka van tial mi a si. Hi Pastor Lian Chawn tialmi cauk hi rel khawh cio zuam u. Cauk ka rel mi ah cun tha ka ti bik mi ah ai tel.