Ngun San Aung Nih Hakha Tthan Cho Nak Rian Ttuan Ding In, Hakha Upa 6 Hna Cu,Ttuan Vo A Pek Cang Hna.

Hakha tthanchonak rian Committee Chungtel ah Hakha Upa 6 cu Pu Ngun San Aung nih Rian ttuan dingin a pek cang hna tiah theih asi.Sihmanhsehlaw, Hi rian ttuan ding hin, Ngun San Aung nih zeihmanh a kan chim hmasa lo tiin Upa pawl nih cun an chim ve.

Ralkap (SAC) tang ah a ummi Hakha khua tthanchonak rian a ttuantu ding committee chungtel ah Hakha khua upa chung in minung 6 cu Chin ramkulh Administrative Council Chairman Pu Ngun San Aung nih rian a khinh hna.

The Chin Journal sin ah a phanmi cu riankhinhnak ca chung ah cun Hakha khua nih kan ni bochan mi hna upa hna le Hakha mirum tiah theihmi hna Pu Thawng Kian, Pu Chum Ling, Pu Thla Bik, Pu Ral Kham, Pu Cung Hu le Dr. Thla Cung hna an i tel tiah theih asi fawn.

Pu Ngun San Aung nih rian a khinhmi hna cheukhat nih “Riankhinh kan simi zong kan i thei lo. A kan chim cia lo,” tiah an chim.

Pu Ngun San Aung nih rian a pek mi hna nih cun,an cohlan le hlan lo zeihmanh theih khawh a si rih lo tiin an chim mi cu asi. Mi cheukhat nih an chim miah cun, rian a pek mi hna nih hin, anmah hmanh nih an theih lo ah cun, zeitin dah rian cu,a pek na lai tiah an chim ve.

Source: The Chin Journal-April 10, Hakha

Be the first to comment

Leave a Reply

Your email address will not be published.


*