Ni 20 Chung Ah SAC Ralhrang An Thah Hna Lengah Minung 64 Ring Lo Thu dir Kho Loin Achia Tu Hna KNU/ KNLA

Ni 20 chung ah KNU/KNLA nih SAC ralkap 58 thah, 64 hliamh

October 1 in 20 tiang (ni 20 chung) ah KNU/KNLA nih SAC phu in minung 58 an thi, 64 hliamh an si i KNLA lei in 7 an i hliam ve, tiah theih a si.

Ni 20 chung ah hin kahdohnak voi 123 a cang i SAC ralkap lei in Lieutenant Colonel (Du-Bohmugyi) le Captain (Bogyi) tel in 58 an thi.

Hi kahdohnak chung ah SAC ralkap nih hriamngan 170 renglo an kah i KNLA lei in 7 an i hliam ve, tiah KNU page ah an langhter.
The Hakha Times

Tlangval nih hin nungak a duh taktak mi a ton a si ah cun duh zong duh lo zong ah a nun aa thleng hrimhrim i cucu a nungak nu hmuhkhawh awk tiang in alang tiah mithiam pawl nih an chim. a sullam cu kan duh ko kan dawt ko a ti peng zong i a ziaza aa thlen rih hleilo a si ah cun nangmah he i then zong kha a thinlung tein a poi ah a chia lem lo tiah khi a si . 1. Nangmah he i hlat a tih lai : Pa pakhat nih an duh taktak a si ah cun nangmah he lamhla pi in va um diam cu a tih bik mi a si lai . rian ruangah le thil pakhat khat ruang ah lampi pi ah a um ding asi zong ah a siarem kho lai lo . nangmah he lamneih teah um peng a duh nak a ruang cu nangmah kha a thinlung diklak in an dawt cang caah a si . nan i duh ko buin lamhla pi ah umding a si zong ah a poi a ti lemlo a si ah cun ruah ngaingai a hau ti nak a si hnga.

2.Na cungah hnah chuahnak a ngei fawi lai : hnahchuah nak timi hi nupawl calawng a si lo i papawl ca zong ah a rak si thiam thiam ve . an duh takmi nu cung ah cun pa hi an hnahchuah nak a fak khun ti a si . a si nain an thinlung chung ah an thup i an langhter duh lo can a tam deuh fawn . thik thu chiat a hmang bal lo mi a si hmanh ah nangmah he nan i duh taktak hnu ah cun a hlan bantuk a si ti hrim lai lo . tlangval dang he nai hawikomh pah peng zong i na cung ah hnahchuah nak (thik thu chiat nak ) a ngeih lo a si ah cun midang kut chung na va phak zong ah a poi lemlo ti mi thinlung a rak ngei ti nak a si kho.

3.Ngeihthiam nak nun a ngei lai : nangmah an duh taktak tu pa nih cun na sualnak a kawl peng lai lo i na tlinlo nak zawn zong ah ngeihthiam khawh na zuam peng lai .an duh taktak a si ko ah cun a duhlo mi thil na tuah tik hmanh ah na cung ah a lung a sau kho lai i nem tein an cawnpiak lai . kei cu ka duh lo nak ah cun i then zong a poi ah ka chia lo tiah an ti i na palh nak cung ah an theithiam lo mi pa a si ah cun cu pa na vat sual ah cun na chan a tawi phah kho men . na kal tak ah a tha deuh .

4.Hmailei kong a ruat lai :Nnagmah an duh taktak tu pa nih cun nan pahnih kong ah hmailei ah zeitin dah kan karhlan ning a si lai ti mi khua a ruat hrim hrim lai . a puitling tuk lo mi a si hmanh ah duh athiam cang mi a si ruang ah nangmah zong an duh mi na si bantuk in nan pahnih kong cu a ruat hrim hrim lai . nan i duh ko nain nan hmailei kong i thitumhnak kong maw nan khuasak ningding zeihmanh an ceihphai pi bal lo i an ruah bal lo a si ah cun awww! kei hi a nuamhnak men in a rak ka komh deuh rua ti kha na ruah caan a za ti nai theih a hau lai.

hi kan langhter mi phun (4) hi mi thiampawl nih minung 100 chung ah hlathlainak an tuah i a tlangpi in a phi an chuah mi a si . rak i cinken law na tlangval pa na cung i a thinlung put he khan cuai rak hlai ve law nangmah tein a phi rak i chuah ve , na caah that nak lei ah an hruia tu a si ve kho men .

Be the first to comment

Leave a Reply

Your email address will not be published.