Ni Hin Ah KIA Nih Kawl Ralkap Duty Nak I An Kal Lio Ah An Phomh Hna I,Tam Lak Te An Thah Tthan Hna.

Kawl ralhrang hna duty in an umnak in an kal lio ah Kachin Independence Army (KIA) nih cun an phomh ciammam hna i,an mortor he,aamah he an ni let dih tiah theih asi.Motor hi pali si i, a khat tein an ni cit i an kal lio ah cun,KIA nih cun atu bantuk in an kah hna hi asi tiah theih asi.

Ni hin March ni 26, kum 2021 zinglei suimilam 11:00AM tluk ah khan Shan ramkulh chaklei Lashio myone Ban Laung khua in Mai Yaw khua lei ah a rak ttummi, Ralhrang hna phurtu motor pa 4 cu Kachin Independnet Army (KIA) nih lampi in an rak bawh hna hnu ah an kah hna.Hi thongpang kan ttial lio ah hin fiang tein a thi mi le a hliam mi kan theikho rih hna lo i, thaizing leiah update tuah khawh kan rak i zuam te lai.

Hi an ni kahnak ah hin, kawl ralhramg pawl hna phurtu Motor pakhat cu,a kang dih i, ralhrang hna zong tamlak te an thi tiah theih asi.A si nain minung a thi mizat hna hi fiangfain theih dih khawh an si rih lo lengah, a hliam mi hna zong fiang tein theih khawh an si rih lo. KIA hna nih cun,Min Aung Hlaing nih a tuah mi thil vialte a simh hlan lo cu,kanlah zungzal ko hna lai tiah an chim.

Min Aung Hlaing Zawtlak nak hi a tamtuk ko cang.A tuning tein a si ah cun June thlachung ah cun,an cawlkho tilai lo tiin an chim.Hriamnam lei cu chimh loin, a ralkap pawl pek ding tangka hmanh a ngei ti lailo tiah mithiam hna nih cun an chim cang.

Credit : KIA Journalist news

Be the first to comment

Leave a Reply

Your email address will not be published.


*