Ni Hin Ah Lai Pasal Ttha Hna Le Kawl Ralkap Hna Cu,Mei Thar In An Ni Phomh Ko Cang.

Laimi nih biatak tein an lai meithal in ralkap an kah ve cang hna.Laimi pasal ttha kan timi hna hi an rak tamtuk rih ko.nihin zawngah,Kalay Phak Hlan, Sitha Khua Pawng ah Mipi le Myanmar Ralkap an i Kap.laimi pasal ttha kan ti mi hna nih hin,hriamnam ttha an ngei lo nain, lai meithal kan timi in,kawl ralkap hriamnam ttha tha a ngeio mi hna cu, bia tak tein an kah ve ko cang.

Nihin zanlei sml. 5:00 hrawng ah Hmandaw lei in a rak rami Myanmar ralkap le mipi karlak kahdohnak Sithar khua phak lai ah a chuak, tiah thawng kan theih. Gangaw lei in a rak rami ralkap motor pawl kham ding in lamthluan ah a ummi khuami hna nih thingkung an hau i, cu thingkung pawl thianhpiak ding in motor 4 hrawng in ralkap an rak ra.

Sitha le Natmyaung khua karlak ah mipi nih Lai meithal pawl in an bawh ve hna i kahdohnak a chuak. Zanlei sml. 5:45 hrawng ah meithal thawng a dai. Kap hnih in hliam a pumi le a thimi an um lo le um lo theih a si lo. I kahdohnak a chuaknak pawng i Sitha khua hi Laimi tampi an um nak khua asi.

Crd- The Chin Journal.

Be the first to comment

Leave a Reply

Your email address will not be published.


*