Ni Hin April Thla Ni 4 Ah,Cung Lian Thawng Le, David Lai Le Benzamin Sum, Hna Nih Cun Ralzam Caah, Phaisa Tam Taktak Cu An.

Kawlram ralzaam mipi caah Guys From Chin phu nih online cungah fundraising kawlnak in an hmuhmi phaisa chungin Mizoram, Zokhuathar khua ah ralzaam mipi sinah India phaisa sing 7, Kawlram phaisa in sing 160 lengkai cu April 3 ah bawmhnak an pek.

Bawmhnak phaisa vialte cu Zokhuathar hruaitu le zatlang hruaitu hna nih an cohlang hna i, anmah nih a harsa zual deuhmi sinah an phawt te hna lai tiah theih a si.

Zokhuathar ah Chin ramkulh Rih Khua Dar le Haimual khua in mipi hna cu an zaam. Cu khua ahcun ralzaam mipi 2000-3000 karlak hrawng an um hna i, cheukhat cu ar inn, vok inn ah harsa ngaiin khua an sa.

Guys From Chin phu Pu Thawng Bawi, David Lai, Benjamin le Yawki hna nih an pek hna.March 22 zongah khan Mizoram, Saiha pengkomh khua pakhat ah Kawlram ralzaam mipi caah India phaisa sing 6 lengkai cu Guys From Chin phu aiawh in David Lai le Yawki nih an pek.

Thawng dang,Josef nun cu nawlngaih nun,Izipt siangpahrang Faro nawlngaih nun kha a si. Izipt ram ah amah telawng zuarmi kum 17 ngakchiapa nih a unau pawl zong paamtuar harsa an rak si caah cunglei cozah bawi pawl dawtmi si kha a rak i zuam hrimhrim cu a rak hau ve, amah chan dirhmun ah.

Asinain kum 400 renglo Israel miphun pawl Izipt ram ah saltaang in an hun khuasak tikah le Israel pa pawl lawngte hmanh kha Izipt ah sing 6 renglo an hung si cang tikah miphun luatnak khuakhan an hauh cang tikah Moses nun an hun herh.

Moses nun cu miphun luatnak caah Izipt siangpahrang Faro ‘nawlngaih lo’ le doh nun kha a si. Nile tiva kam a hninghnonak hmun fuh nun in miphun caah Rili Sen le thetse ramcar ah kal nun kha a si.

Cu luatnak hmun kal awkah–exodus rian thawknak dingah–Pathian nih a hmasa bik a tuahmi cu Israel pawl nih sal a luat lomi an si an itheih ding kha a si. Cu lawngah Moses nawl an ngaih lai.

Exo 6:9. Izipt ram ummi Israel miphun rank sang deuh pawl hna nih cun Moses le Aron kha an doh, Izipt le Israel karlak huatnak, buainak chuahpitu misual an ti hna cu mu Exo. 5:21.

Chinmi zong kum 60 chung Mirang kut ah, kum 70 chung Kawl kut tangah tiin kum 130 renglo miphun mahte khuakhannak nawl self-determination, ngei lo in kan um. Atu hi miphun luat lomi kan si ti hi kan ifian cikcek hmasa ahau.

Ei thaw le rank sang le innlo òha kan um ruangah kan sining i philh lo a biapi tuk. Saram zuatnak dum i ramsa pawl hmanh ei thaw, sa thaw le innlo òhaòha tangah an chiah ko hna; nain sal an si ko. Cucu kan hluan ko lo maw.

Izipt ram ah hin kan nun sia a rem tuk sual maw Josef bawi òhutdan voi khat pek kha kan saduhthah sang bik a si sual maw, Rawlthaw le òhanchonak hmuihmer òukòak ah kan diriam in kan me a rem tuk sual maw, Kan sum a hme tuk sual maw.

Atu hi kan miphun cu kan taitang a kan dolh cang. Hiti ning in miphun mahte khuakhannak self-determination, federal ngei lo in kum 50 kan kal rih ko ahcun a kan dolh dih lai ti cu a fiang ko. Zeidah kan tuah kun lai.

Chanthar Chin mino nih kan khuaruah ning kan thlen a hau cang. Kan pupa zeimawzat nih “kanmah te cun kan dirk kho lai lo… cawm chom kan hau, an tangah kan dor lai i an kan dawt lo ahcun kan caar lai” timi sin-um lungput kha kan kaltak a hau cang.

Federal mahte khuakhannak self-determination, timi cu mahte dir ngam, mah miphun i bochan ngam nun kha a si, Kan miphun caah a herh ahcun ahopaoh kan doh hna lai ti ngam nun–Moses nun–kha kan miphun nih a herh cang! Nawlngaih Josef nun in, dohthlen Moses nun ah Chin Exodus hmainor cang uh si.