Ni Hin Kawl Ralkap Hna Min Dat Khua Chung An CawlCangh Ning Cu,Tuk SumTuk Si Ko.Ralhrang Ciammam An Si Ko Hi.

Mindat khua chungah a ummi CDM a lut mi he lut lo mi he,CDF ah a tel he tel lo he pa poh an tlaih hna. Inn chung tiang inkaa hrawh in an lut. Khuachung inn hna cu hriamngan in an kah hna. 274 Batalian hna nih hriamngan in,Sniper in mipi a chawkmi an kah hna.

Hngakchia telh in hliamtuar mi sii ai thlop khawh an si lo. Sanpiah veng cozah riantuan pakhat inn ah hriamngan a tla hliamtuar an tam. Khua chungah hriamngan in zing suimilam 7 in zanlei suimilam 3 tiang minung umnak veng hna cu an kah hna.

Credit : The Chin post

Relchap: Dr. Ngun Cung Lian Nakin Khuaruahhar A Simi..

Dr. Ngun Cung Lian cu MAH sin i aa komh ah khan kan thin a hung, kan khuaruah a har. Asinain NCL nakin khuaruahhar a si deuhmi pakhat a hung chuak than. Amah cu Chin mipi chungin thawngtha chimtu minlang kan ngeihmi pakhat Evan. Tial Lian Thang a si. A thei lomi kan tlawm men lai.

Anih hi mihmai zoh loin dengteo bak in bia a chimmi a si. A thawngtha chim a thei cangmi nih cun an theih ko lai.
Chin Brocasting Network nih an thlahmi video tawite kha a zohmi zong nan tampi cang ko lai. A bianchimmi kha khuaruahhar taktak a si.

“Ralkap hi an sualnak ka hmu lo. Kan cungah zei bantuk thatlonak hmanh an tuah lo. Kan ral zong an si lo. Baibal nih cun na ral va daw hna tiah pei a kań cawnpiak cu…! Kan ram sersiam an duh ve caah a si. Kanmah tu hi kan thatlo tuk cash a si” tiah a chim.

Hitlukin mipi an tuar lio le an thih cuahmah lioah a cunglei bantukin bia a chim khi cu a mak ko.
NCL cu ralkap sinah aa komh i tangka tangka tal an pek, dirhmun sang tal an pek. Evan. TLT nih ralkap thalonak hmuhpiak loin mipi kan thatlo tuk caah a timi cu….lohtlau siko.

Credit . The Chin post

Be the first to comment

Leave a Reply

Your email address will not be published.


*