Ni Hin May 2 Ah Ralkap Helicopter Cu Min Dat Ah Tum Lai.Zei Ruan Ah Dah Si?

Nizan May 1 ah khan Yangon Region chung, township cheukhat hmun 6 nak tlawm lo ah bomb a puak tiah thawng theih asi.A hmasa bik a puak mi cu zinglei suimilam 4 ah khan South Dagon pengah a puak I, zinglei suimilam 9 hrawngah Insein High School compound ah a puak than.

Yankin township ah a puah tambik I, Myanmar Plaza le Zeeguih (ဈေးကွေ့) pawng hrawngah a puak tiah theih asi.Mah pin ah Theingangyun, South Okkalapa, Swepyithar No. 5 vengchung hruaitu office pawng hna ah a puak tiah theih asi fawn. Nizan May 1 zanlei suimilam 4 tiangah khan voi 6 nak tlawm lo bomb hi a puak.

Bomb a puahnak hmun ah hin nawlneihnak latu ralhrang hna cu an phan colh I, hmun cheukhat hna cu ralhrang hna an duty nak pawngte ah asi. Bomb puah ruangah hliam tuar mi hna cu Mizzima nih hin list a khawmsuat hna I, a hnu ah thawngthanh than asi te lai ti asi. Mizzima Media

Zalen Burmese Media: Tuni Sunday May 2 ah hin Mindat ah ralhrang council helicopter pakhat a tum lai I, tangka catlap a van phurh lai I, Mindat ah ralhrang battalion 274 hmun ah a tum lai tiah theih asi.

Mipi venghimtu bu Mindat khuapi nu le pa aiawh le Khrihfabu hruaitu hna nih a tumnak hmun ah va lut in an chek lai ti asi. Helicopter a rak tum ruangah mipi hna cu thinphang thlalau in le ttihphang in an um lonak dingah theihternak an tuah.

-MDTပြည်သူ့အုပ်ချုပ်ရေး
– သတင်းအဖွဲ့

Be the first to comment

Leave a Reply

Your email address will not be published.


*