Ni Hin Min Aung Hlaing Bia Chim Cu Tuk SumTuk Ko : Ni Hin (Ttat Ma Daw Neh)Ni Ah Min Aung Hlaing Nih Nan Fanu Le Nan Fapa Hna Cu Thi Hna Hlah Seh Ti Nan Duh Siah Cun?

Nihin ttat ma daw niah hin ,Min Aung Hlaing nih cun, ralkap cu hnu lei ah kan tawn hrimhrim lai lo i, sandah a piak mi hna cu,thaizing thawk in meithal in an lu bak ah kah si cang lai tiah a puan cang tiin MRTV nih cun thong a thanh cang .an chim chih mi ah cun, nan fanu le nan fapa hna thi hna hlah seh ti nan duh siah cun, sandah piak tilo ding in chim hna u tiin an langhter chih mi cu asi.

Hi kan bia hi kan zuh ti lai lo i,nan fanu le fapa hna an nunnak in khamh nan duh hna siah cun,chimh ding cu namah kut ah a um i, nan chimh lo hna sizawngah nan mah kut ah a um mi si cang tiah an thanh chih.Ralhrang nih hin, an tuah hngading mi cu an tuah dih cang i,meithal in,mipi duhtawk in kah longlong hi an rian si cang caah,mipi lei zawng nih kan ni ralrin hau ve cang lai.

Hi bantukin nu le pa sinah kan nin cah duhnak hna a ruang cu, kha hlan i a thi mi hna lakah khan, mino tete an tamtuk ruang ah asi tiin an chim i, ralkap nih hin, sualnak ngeilo mi hna hi, duhduh in kahnak nawl an ngei maw tihi khawika phunghram hmanh ah a um lo mi asi.UIco ralhrang hna nih hin, kawlram mipi hna hi an duhduh in thah le nawn hi ankan timh cang tinak si lai cu.

An chim rih miah cun, nu le pa nih ttha tein nan chimh hna loah cun,kuanfang hi,zeitik poh ah nan fa le lu cungah a lut kho mi asi tiin mipi cu an kan hrocer chih.Hi tluk in an kan kah cang mi hna hi,zeiah an rel rih lo i, kan kap rih hna lo tibantuk in an ni ruah rih ko hi.Uico ralkap hna kut ah hin kan kawl ram cu,um ti hrimhrim hlah seh ti hi,mipi duh ning cu asi cang.

Source : MRTV

Be the first to comment

Leave a Reply

Your email address will not be published.


*