Ni Hin Rangoon I Sandah A Piak Mi Hna Le Ram Danglei In Thazang A Rak Pe Mi Hna.

Nihin rangoon i sandah a piak mi hna cu,an ropuituk ko.Si nain khatte lei in ruah ah cun,ngaihchia zangfaktuk zawng kan lo ngai ko cang.mipi an tamtuk i,sangkip in anmah le umnak cio in an ra i,an au thluahmah.An au mi ah cun,Pi Aung San Su Kyi le President Win Myint,dam peng hna seh ti le ralkaap uknak kan duh lo tisi.An kal cuahmah lio ah cun,Police nih anrak dan hna, si nain zei hmanh buainak a um lem lo.

Mipi lei nih cun Kawlram Police hna cu,rakkan bawm uhlaw rakkan dirh kamh uh tiin an au i, kan duh lo mi cu, ralkap uknak hi asi tiin fakpi in an au thluahmah.Hi bantuk in an au lio vun zoh le vun hmuh tikah cun,lung a hno i,ngaih achia tuk hringhran.Sandah a piak mi hna ah hin nu zawng an tam ngaingai i,hi nih hin a langhter mi cu,kawl ralkap uknak hi hau hmanh nih kan rak duh tilo i,kan rak huat dih cang hna ti hi a langhter.

Hi lio ah hin UN Secretary Genaral nih cun,Kawlram ralkap thil tuah mi cu, a dik lo mi thil a si i, mipi duhnak Democracy phungzulh lo in,hramhram in hi bantuk in,ralkap thazang hman i,nawl ngeihnak lak mi hi cu, sikhawh chungin kan doh a herh mi si caah, UN SEcurity Council nih action lak dingin kani zuam a hau mi asi tiin a rak chim.British Parliament zawng nih kawlram ralkap thil tuah mi cu a dik lo mi le a hman lo mi asi caah, Daw Aung San Su Kyi le a party an tlaih mi hna cu, a rankhawh chungin chuah dingin kani zuam lai tiah an rak ti ve.

US President Joe Biden nih cun, kawl ralkap pawl thil tuah mi cu,minung zalennak rahbeh le mipi nih an duh mi Democracy zah lonak a si caah,ralkap nih an tlaih mi hna,Su Kyi le president Win Myint tel in, an dih lakin anchuak khawhnak ding le,Aung San Su Kyi hruai mi NLD hna sinah,nawl ngeihnak cu, arannak in pekkir tthan ding in kan ttuan lai tiah a rak cum chim ve.

soure : RFA,BBC,

Be the first to comment

Leave a Reply

Your email address will not be published.