Ni Hin Sandah Piak Mi Hna Cu,Ralkap Lei A Dirh Kamh Mi Hna Nih An Kal Hnawh Hna.

An Kal hnawh lio hna ah cun, number a um lomi 5,000 man cu an irak i cit i bank ah an rak ra. hihi a ṭaya maw an ti ko cang. Ralkap a ṭangmi hna an si caah zeihmanh buainak a um lo hi. Mipilakah hi bantuk hi i cit tuah hna sehlaw an tlaihc olh lai. Annih cu an duh pai hin an lor. Hi bantuk ralkap hi duhpaoh in a ummi Upadi cungah a ummi ralkap le palek hna hi fih an nungtuk hringhran ko.Thawngpang dang.Min Aung Hlaing nih 2021, February 1ni rampumpi uknak a lak hnu in Kawlram pumpi khuapi deuh kip ah umkheng tum in Civil Disobedience Movement (CDM) tuah in, duhlonak langhter a si.

Cu CDM cu cozah riantuan siibawi hna, siangcachim saya/sayamah hna, engineer hna, department dangdang in cozah riantuantu hna le a dang private company riantuantu hna tiang nih an duhlonak an langhter ve.Cu tikah Min Aung Hlaing nih a sual tuah duh ruang le cu a sual tuahmi vawlei nih a ka theih lai ti phang in Internet a philh thulh. Nain UN lei in tlerhkhonhnak ruangah Internet cu phit thai ngam lo in a on than.

Umkheng tum in duhlonak nihnih nithum hrawng tuah hnu ah Kawlram pumpi khuapi kip ah mipi leng chuak in lamzawh duhlonak langhter than a si. Covid-19 ruangah minung tam 50 cung ipumh lo ding timi phunglam vialte zong.Zeihmanhah rel a si lo. Pulrai tih in leng chuah ngam tawn lomi cu ralkap uknak tang um an duhlo tuk caah Covid hmanh tih ti loin leng chuak dih in minung 50/100 cu chim lo, minung a thawngthawng a sangsang i pumh lamzawh a hung si.

Cu bantukin mipi nih ralkap uknak duhlonak an langhter i lam an zawh caah Min Aung Hlaing salchia palek pawl nih mipi cung ah hriamnam tiang an thlah hnawh hnaMinung nunnak tiang a liam pinah tampi nih hliamhma an tuar. Cu tikah mipi au-aw a thang chinchin pinah IT chan ti cu, Min Aung Hlaing salchia pawl tuahsernak vialte cu vawlei cung theih in phozar dih a si. Min Aung Hlaing cu hmai norh ding le har, hnukir ding le har, lung awtawm in a um lio ah pasal, ka tuahmi cu tuah lawlaw ning a ti i, mipi hnahnawhnak petu ding ah.

Misual thongtla pawl thawngkul leng a chuahter i cu hna cu biatak tein a hman hna. Khuapi kip sangkip ah cu misual thong chuak pawl cu hriamnam he a thlah hna i, lungrual tein sandah a piahmi mipi pawl an thinlung vaivuanhter hna. Hnahnawhnak an pek hna. Sandahpiahnak ah an thinlung um ti hlah seh tiah misual thong chuah pawl cu biatak tein a hmang hna.Misual thongchuah pawl lawng siloin ngakchia pawl zong meikhanghtu ding ah a fial chih hna i mipi cheukhat thinlung cu meikanghnak ah a zuan tak ve.

Cu lawng siloin misual thongchuah pawl sangkip a thlahmi pawl hna zong nih heh tiah an cawlcang ve i, mipi cu anmah pawl ralvennnak le tlaihkhihnak le biahalnak ah mipi thinlung a vaihvuanh khawh cang hna i, sandahpiahnak ah.Mipi thinlung a um ti lo ti awk in mipi thinlung a vaihvuanh cang hna. Cucu Min Aung Hlaing nih a timhmi strategy phunkhat a si i, a hlawh tling ti khawh a si. Mipi nih sandahpiah hi kan ngol sual ahcun cu vialte sandahpiahnak nih Min Aung Hlaing hridat hmanh a thatter lai lo caah sandahpiah hi ngol hlah u sih.Credit : Orginal Post

Be the first to comment

Leave a Reply

Your email address will not be published.