Ni Hin Sandah Piak Nak Ah Nu Pakhat A Nun Nak A Liam.

Kawlram ralkap pawl nih nawlneih nak an lak hnu a ni 9-nak February 9 ah NayPyiTaw khuapi i Sandah piaktu nu pakhat cu palik pawl nih an kah nak hliamhma tuar kho loin a nunnak a liam tiah thawngtheih a si.Ralkap pawl nih Martial Law an phua cang i minung 5 naitam umti an siang loh i zan nazi 8:00 in zinglei nazi 4:00 tiang a hohmanh lengchuah an sian lo nak kong zong phunlam an suai cang.

Asinain, minung a thawngtel in an i pumlhawm hna isandah piaknak le duhlo nak ser cu an nei thotho.Palik pawl nih warning peknak ah an meithal cu vanlam ah an kap hmasa. Cuti cun, sandah paiktu pawl cu an zam duh hlei lo ruangah meithal in an kah chih thluahmah hna. meithal kuan taktak an hmang rih loh i, rubber kuan mu lawng an rak hman rih.
Rubber kuan mu zong a mi kah a fah tuk ruang ah, minung 7 hrawng cu hliamhma faktuk an tuar ti a si.

Sandah Piaktu pawl cu an zam duh hlei lo ruangah meithal kuan taktak an hman i, Ma Mya Thet Thet Khaing cu thilak in an kah ti a siSandah piaknak i ai tel mi sibawi pahnih zong hliamhma faktuk an tuar i tuhi an zohkhenh cuahmah lio hna a si. Hi Sandah piaknak hi an neih peng a si ah cun meithal kuan taktak kan hman cang lai tiah palik lei nih thawngthanh nak an tuah. Palik lei an cawlcangh tuk cang ruang ah NayPyiTaw i lamzawhtu pawl cu an i thenthek ta rih.

Be the first to comment

Leave a Reply

Your email address will not be published.


*