Ni Hin Thawk In Kawlram Tangka Hman Nak Rule Thar Hman A Si Cang Lai.

Kawlram Bank Le Tangka Hmannak Kong Ni Hin In Rule Thar Hman Ding.Myanmar rampi tangka lehthalning le hmanning tluangtlam tein a kal khawh deuh nakding caah tiah baan-zung (Central bank of myanmar) lei nih a ralaimi March ni 1 ah kalpi le theiternak cathanh an chuah dingmi cu hmuh asi tiah BBC nih a tial. Hiti atu bantuk in kalpi ding timi cathanh pek a tong cangmi pumpak (private) bank lianmi a tengnge (branch) manager pakhat nih hi kongkau cu BBC sinah a chim.

Tangka hmanning cang dinhdorh deuhnak cu papek in kalpi ding timhlamh a si caah khan, acozah zung pawl phaisa pek tehna pawl zong kha CBM-NET System hmangin i pekning lam pawl in, electronic hmangin phaisa pekning cang hna in, mobile-phone in pekningcang a lam pawl in le Cheque/PO pawl kha papek in tawlrel dingin thawng an thanh hna ti kha hmuh khawh a si.

March ni 1 thawk in cun ATM (Automated Teller Machine) in minung pakhat nih nikhat ah ting 5 lawng thoh a ngah lai, Bank Cazin (Bank Passbook) in tangka thoh duh ahcun mi pakhat nih zarhkhat ah a tambik Kyats ting 20 le company pawl tbk., nih zarhkhat ah a tam bik ting 200 tiang tangka thohnak nawl pek ding tiah ca an pekmi hna ah aa telchih.

Acozah zung pawl hna siseh, cun sipuazi lei rian pipa deuh a tlai/tuanmi pawl hna ni tuanman, lahkhah pek ding kong caah cun a herhning bantuk in bank nih nan ngeihmi tangka tangmi in, nan chuahpiak hna lai i nan pek hna lai, herhbaumi ngeih/um si ahcun Cenral Bank of Myanmar ah tawlrelpiak dingin thawngthanh u law tiah an ti.

Credit: Chinland Mirror.

Be the first to comment

Leave a Reply

Your email address will not be published.