Ni Thaizing Suimilam 7:30am Ah, KIA Nih Kawl Ralkap Hna Cu Cei Lak In An Phomh Tthan Hna.

Ni thaizing ah KIA Nih Min Aung Hlaing Uico Pawl Fak Tak Tak In An Phomh tthan hna tiah theih asi. Marchni 22, kum 2021 zing suimilam 7:30AM tluk khan Shan ramkulh chaklei, Muse myone Nam Taung timi khua ohsuh, Hutaw timi tlang ah Kachin Independent Army (KIA) ttat-zin 36 le uknak chut tu Min Aung Hlaing uico ttat-mah 99 hna faak ngai in an i kap tiah thawngpaang theih a si.

Hi News kan ttial lio ah hin,Kaphnih lei ah a thimi le a hliam mi zei zat an um theih khawh si rih lo, thawngpaang kan theih le caangka a thar in kan upadate tthan te lai.A tuzing an i kah ning hi a fak ngai, kawlralkap pawl cu zei zat an thih zongah mipi nih kan ui lem hnami an si lo i KIA lei in a thimi an tamnak hnga lo thlacamnak in bawm cio hna usih.

KIA nih hin,kawl ralhrang hna hi,ni fatin in an phomh lengmang ko cang hna i, Kawl ralhrang pawl zawng hi, a thi mi le a hliam mi zawng an tamtuk ko cang tiah theih asi.KIA le KNU hna hi CRPH zawng nih a bochantuk mi an si i, teinak an hmuhkhawh pengnak hnga ding ah thlacam in bawm cio hna u si.

Crd : Kachin Journal News

Be the first to comment

Leave a Reply

Your email address will not be published.


*