Ni Zan Ttatmadaw Ni Ah Mipi Nun Nak 114 A Liam I, Hliam Zeimazat An Um.

Nizan i kawl ralhrang hna nih,Kawlram ralhrang hna ni vawi (76)nak an hman lio ah,mipi 114 hna cu, uico ralhrang hna nih meithal in an kah hna caah an nun nak a liam tiah theih asi.Poi tuk hringhran ko.zeihmanh sual nak ngei lo mi hna,hi bantuk in ankah lengmang mi hi,vawlei cung nih hin a zoh sawhsawh rih ko hna lai maw ti cu ruah lending tamtuk a um cang.

Hi ttatmadaw niah hin UIcopa Min Aung Hliang nih cun, nuam satuk le lih long tein suimilam 00:30 chung bia a chim i, a mui zoh tikah zamnak tlawmpal te hmanh a ngei nemmam lo ti cu a fiang tuk ko.Feb.nikhat niin uknak an lak hnu ah cun, nikhat chungah minung a thi mi an tambik ni si lai.A thi mi hna hi,fiangfai tein theih khawh si rih lo i, hi nak hin an tam deuh kho nem tiah “Myanmar Now” nih cun a langhter.

A thi mi long silo in a hliam mi hna zong ralrin tein kan hlat lio hna a si i, thongpang a fiang tikah update kan rak tuah tthan te lai.Reuters ,Associated press,BBC,The Guardian,Daily mail,The independent,Economic Times le AFP news hna zong nih a tlawm bik ah ,minung 100 cu an thi tiah an langhter dih.cu caah a thi mi hna hi, minung 100-130 karlak cu an si lai tiah zumh asi.

Thu Ya Zaw nih cun, Reuters thong latu sinah ralhrang hna nih cun ,Ui le Ar thah in an kan thah ko tiah a chim.kan in chungah an ra riangmang i, ui kah le Ar kah in an kan kah ko tiin thonglatu hna sinah cun a chim.sihmanhsehlaw kan ngawl lai lo i, (Junta ralkap)hna cu an tlak hlan tiang pohpoh cu ,kan doko hna lai tiah a chim ve ti si.

UIco ralkap hna nih cun, Rangon i American center zong meithal in an kah i, US Ambassy to Myanmar thong thanh tu nih cun, ralrin tein thil kal ning hlathlai nak kan tuah lio asi tiin a chim.Hi bantuk in meithal in ankah nak hnu hma le, meithal kuan a luh nak cu, Daily mail UK nih cun,an langhter dih cang ti si. zeidah chuah te lai ti cu kan theihkhawh mi siti lo.

Credit : BBC/RFA/Tha Guardian/AFP

Be the first to comment

Leave a Reply

Your email address will not be published.