Nicheu Lawng Kal Nak Khualam Ah Ralhrang Hna Cu Ni 11 Chung An Rau

Ralhrang pawl hi October ni 31 in khan Matupi in Mindat lei ah an I thawh I lampi ah Mindat CDF hna nih an rak kah lengmang hna caah November ni 10 zanlei lawng ah Mindat khuapi 274 ralhrang sin an phan. Matupi le Mindat hi meng 104 asi I motor cun sml. 6 chung kal khualam asi.

CDF mindat nih hin November ni 2 lio ahkhan ralhrang pawl hna an hmai ah lam serchung dingah akal mi JCB pakhat cu bomb in arak puah in cu ri cun kahdoh nak aathawk. Cu nithawk cun ni zan November 10 tiang ah kha pehtlai in an I kap I ralhrang lei hi minung 30 hrawng hi an thi I hliam hma apu mi tu cu an tam tiah theih asi.

Nizan ah khan Mindat Siizung ah ralhrang lei lutlai chung in hliam hma pu mi cheukhat an rak I zohter, (dathman) an rak I thla tiah theih asi. Cun CDF Mindat lei in Kum 72 asi mi Siangin cachim rian in aadin mi nih miphun le ram ca acaawlcangh nak chung in anunnak aliam ve. Ralhrang hna nih hin Matupi le Mindat karlak khua pawl ah hin minung um nak in le Pathian Biaknak inn hna ahrawh I mei in ankhangh hna.

Ralhrang hna hi motor 70 le thil in kham mi( tank ka) motor 2 in an rak ra I hriamngan kah nak le (machine gun) pawl hna an hman. Asi nain Mindat CDF atam deuh hi Meithal lai ser, Puakcek hna ahmang mi an tam deuh. Ralhrang hna Mindat in Matupi lei an kal lio ah hin ruahfak ngai in asuar ruangah rak doh hna lo in an kir cu lio ah zong ah cun ralhrang nih an rak kah cang hna. Source; Zalen

Ralhrang nih mithimnak zung adirh mi election Commission nih thimnak tuah than ding ti in peng kip ah minung cazin lak in rak chuahpi than ding in Lah – Wah – Kah(လဝက) le General Administration Department(အထွေထွေ အုပ်ချုပ်ရေးဌာန) cu afial hna.

Minung cazin lak nak ah 2020 mithim nak Me cazin cu zohchun in Sang le khuakomh kip Inn Chungkhar cazin (အိမ်ထောင်စု စာရင်း) he chek chih in remh i hnonmi hna he ara lai mi mithim nak ah kum 18 atling ding mi hna cu lak chih ding in afial hna. Lak than mi cazin ah cun November 20 ni ahnubik chia in rak chuahpi dih ding in an kan fial tiah Lah – Wah – Kah (လဝက)zung riantuan pakhat nih a chim.

Ralhrang election commission cu tha tein le a hman nak ding caah peng kip in min cazin hna cu lak than ding in an kan fial tiah achim. Khat lei in ruah ah cun ralhrang hna nih a ra lai mi mithim nak ah PR ningcang hmang ding in an i zuam hi asi i PR ningcang cu angan mi ralkhel Party tam deuh nih cun an cohlang hna lo .Than Lwin Times

Be the first to comment

Leave a Reply

Your email address will not be published.