Nihin ah marh ni 1 ah thil cang cu Russia Ramleng Vuanci Biachim lio ah cun an  Chuahtak dih bak ko

Nihin March 1 ah UN Conference tonpumhnak cu Switzerland ram, Geneva khua ah an tuah i, Russia ramleng vuanci Sergey Lavrov nih biachimnak a thawk lecangka in EU chungtel ram aiawhtu hna le US hawikom ram aiawhtu hna nih a biachim lio ah an chuahtak dih colh.

Russia ramleng vuanci biachim lio ah an chuahtak dihmi video cu French aiawhtu palai nih a tar i, Ukraine he kan dir tti timi langhternak ca ah Minister Lavrov biachim lio ah kan chuahtak dih, tiah a ttial.Nihin UN Conference ah Russia cu minung pum in rak kai lo in video call tu in a kai.Cu kong he pehtlai cun

Minister Lavrov nih, EU nih Russia cung ah a tuahmi sipuazi dantatnak hi cohlan khawh hrimhrim a si lo caah punpak in tonpumhnak ah kan kai lonak a si, tiah a chim.

Website: https://bit.ly/3vzLju9

Burmese

Dawtnak caan na ngeih lio ah na pawngkam ummi kha na sikhawh chung in dawt khawh i zuam hna law, na hawikom cungah zumhtlak tein nun khawh i zuam Na chungkhar sin ah zeitluk in na dawt hna kha langhter peng law, na pawngkam nih na thlum elnak tep cio hna

Na dawtmi sinah na dawtnak kha langhter law, zeitluk tiang dah zumhtlak na sinak kha theihter i zuam .Caan an liam cang hnuah, khirh awk a that ti lo hnu ah, dawt awk an that ti lo hnuah kan dawt tuk ti cu san a tlai ti lo  ngaihchih nih santlaihnak a ngei hlei lo .

Nunnak thaw a dih cang hnu, nunnak a liam cang hnu i kan tlaihchan tuk ko ti cu san a tlai ti lo.Nunnak varal apanhcanghnu,hmuhkhawh ti lo dingmi sin ah biacah in kan dawt tuk ko ti cu san tlaihnak a ngei ti lo

Kan ngeihmi caantha zong ni khat khat ah cun an liam ve te lai .. cu caah tlaihawk a thalo mi caan chungah hin ngaihchih awk um lo ding in na pawngkam caah a thlum elmi si i zuam ko …

By.Mai Anna Pa

Be the first to comment

Leave a Reply

Your email address will not be published.