Nihin march ni 1 ah tialkhua ah CNA Le CDF i fonh in SAC Ralhrang he kah doh nak ah khua mi pakhat cu

Nihin March 1 Chinram, Falam peng, Falam Hakha tlawn lampi Ṭaal khua ah CNA/CDF le SAC ralhrang karlak kahdohnak a chuah i Ṭaal le Tlangzar karlak ah SAC ralhrang nih a mit an kheh i a hngawng an ah mi ruak pakhat zong kan hmuh, tiah khua mi hna nih an chim. Thil sining cu-

February 27 zaanlei ah a ho ti hngalh lo mi mino pakhat cu Falam in Hakha lei ah motor saikel rang taktak in a khalh i a kal, Lungpi ah SAC ralhrang nih an rak kham i an i kalpi.Tualchung mi pakhat nihcun,A khalh mi Saikel zong Lungpi ah a um

Saikel chung ah a ngeitu kong (Owner)  zei bantuk hmanh um lo  Datsi pungkhat tu cu a um. A tutiang ah a thi mi hi aho si hngalh a si rih lo i, lam kam ah a ruak cu an hlonh i a  orhlei mitmu a um lo, khatlei mitmu zong zoh a chia ngai. A hngawng ah naam in an ah,

February 28 ah that hna sehlaw a lo, tiah a chim. SAC ralhrang nih an thah mi pa hi kum 20-30 karlak hrawng si i a hngawng ah Vailamtah cross tung ṭhi ai oih, tiah theih a si.Hakha lei ah riahcaw chaan i ra mi SAC ralhrang motaw 27 le Tank 2 telh mi phu cu miphun hriamtlai phu

Chin National Army CNA le Chinland Defense Force CDF i bawm nih nihin March 1 ah Ṭaal khua ah an kah hna, tiah theih a si. Hi kong he pehtlai in khua mi pakhat nih cun, Nihin March 1 zing in khua hauka ah an i kap i suimilam cheu hrawng a rau lai. Chun ah

SAC ralhrang pawl cu khuachung ah an i din. Khua chuahtak ding in an an i timhtuah i khua an chuahtak bak ah kahdohnak a chuak ṭhan. Hmun hnihthum in suimilam pakhat hrawng cu an i kap lai,” tiah a chim.

SAC ralhrang mawṭaw pawl cu Ṭaal khua kiangkap, khua chuah lai ah CNA/CDF he kahdohnak a chuak i, an mawtaw an kahpiak lengmang hna caah khua lonhtak kho taktak loin an tap i, tuzaan hi an riak kho men. Khua chung ah rak kir ṭhan in riak kho zong an si.

Zeidah a lawh lai ti cu a fiang in chimkhawh a si rih lo, tiah khua mi nih cun a chim. Nihin March 1, zaanlei tiang ah SAC ralhrang nih khanghmi inn cu a um rih lo nain, khua sianginn pakhat cu hriamngan nih a khen, tiah theih a si.

Ṭaal khua mi hna nih SAC ralhrang Falam an phan ti thawng an theih February 27 in nu, hngakchia, tar le loriak a der thawm deuh mi hna cu Falam lei ah an kalter cia cang hna, tiah an chim. Ṭaal khua hi cozah rianṭuantu hna he Inn 39 khuasa an si i, atu bantuk in

Falam in a rak kaimi SAC ralhrang le CDF karlak kahdohnak a chuah ruangah khua an chuahtak dih, tiah theih a si.

Be the first to comment

Leave a Reply

Your email address will not be published.