Nihin Thantlang Kahdohnak Ah,Salai Tum Kio Cu Ramle Miphun Caah A Nunnak Aliam

Nihin April 12, zaanlei ah Thantlang khuachung ah SAC ralhrang le CDF-Thantlang karlak kahdohnak a chuak i CDF-Thantlang ralkap “Salai Tum Kio nih ram le miphun caah a nunnak a pek, tiah thawng kan theih.

CDF-Thantlang lei in a dang ralkap pakhat zong hliamhma a pu i, SAC ralhrang lei mithi/hliampu an um le um lo The Chin Journal nih fiang in kan thei kho lo.

Salai Tum Kio hi SAC ralhrang sniper nih a khen caah a nunnak a liam, tiah kan theih.Crd: The chin jounal.

THAWNG DANG A thar in kahdohnak a fahnak hmun Laykekaw khuathar ah SAC vanlawng nih mi aa palh sual ruangah anmah lei tu bomb a thlak hna i, a thi mi an tam, tiah KNLA phufonh nih an chim.

Kahdohnak ni zeimawzat a dai cang mi Laykekaw khuathar ah April 10 zinglei tuan nawn ah SAC ralkap cu rallam hmunhnih ah sial in an luh ruangah KNLA phufonh he an i kap. SAC ralkap 30 leng an thi i an ruak cu nihin tiang an char rih hna lo, tiah KNLA phufonh nih an chim.

SAC ralkap brigade 44 in captain pakhat tlaih a si i, hriamthil zeimawzat zong an lak, tiah theih a si.SAC ralkap a thi le hliam tuar an tam caah vanlawng nih kah a bomh hna i bomb zong a thlak. Vanlawng nih bomb thlak aa palh i SAC ralkap tam tuk an thi nain a thi mi zat cu fiang in theih a si lo.

Phayakung pawng ah bomb a tla i a pawng kam ah hliam tuar mi palik an an um. Kahdohnak a chuah lio a si caah an ruak an char kho hna lo. A cheu cu an pum an i thencheu i, cheukhat cu mei nih a kangh hna,” tiah an chim. KNLA ralkap pakhat nih a chim.

“SAC vanlawng nih Bomb a thlak hi zanlei sang ah a si i, bomb a tlaknak hmun cu a hmuitler ngai. Chemical sii aa tel ti kan theih colh. Ti ah hnim mi thilri ciar in kan hnar kan i huh. Bomb khu aa hamh mi le aa dawp sual mi cu an ri i an luak zong a chuak,” tiah KNLA lei nih an chim.

December 15 khan SAC ralkap le KNLA cu an i doh lengmang caan karlak kahdohnak a daih hnu ah April 11 ah fak ngai in an i kap ṭhan. Kahdohnak a chuah ruangah tualchung mi hna cu Thailand-Myanmar ramri Tawngyin, tiva kam le a himnak hmun ah an zaam hna i, atu tiang an chuah khua ah an kir kho rih hna lo.