Nilen Par Mawi Nih Kawl Ral Hrang Hna Cu Ram Hruai Tu Dingah Cun An Tlak Hrimhrim Lo Tiah A Ti Cang Hna.

Kan lai mi chung in hlasakthiam kan ngeih mi, Kawlram mipi zong nih an uartuk ngai mi le an dirkamh ngai mi Nilen Parmawi nih a pumpak social media cahmaih ah biatlang tawite pahnih a tial, mi nih cun mi lungthin a kahwih tuk hringhran ko.

Pakhat nak i a langhter mi cu “Minung pakhat zong luat ter hna hlah uh, an nunnak zuah hna hlah uh, tthuam dih cang ko hna uh” tiah a tarlangh. Kawl ralkap cawlcangh, mithah lainawnnak an tuah mi le mipi fahnak tha lotuk an tuah mi a zoh tikah a celh ve hrim ti lo nak a langhter ve mi asi i minung pakhat hmanh an nunnak zuah a duh ti lonak a langhter hi asi.


Pahnih nak i a langhter mi tthan cu, Kapa hmanh a holh ve cang, a um sawh kho ti lo. Min Aung Hlaing le a minung pawl an sualtuk ning hi cu chimpit a si ko cang. Satan hmanh an hman tluk in a puarhrang lai lo. Satan nak in an sual deuh tiah kapa zong nih a chim ve cang” tiah Nilen nih a tarlangh hi asi

Hi bantuk in kan lai nungak hlasak thiam mi nih ca bia pahnih a langhter mi hna hi a pehpeh in Nilen Parmawi nih a langhter mi hna cu an si. Ralkap an sualnak a zoh tikah a celh ve lo. Nihin lawng ah ram minung 10 an nunnak a liam, hliamtuar an tam taktak. Cu lawng si loin Sehzung tiang mei an khangh mi zoh tikah ram hruaitu dingah cun an tlak hrimhrim lo tinak asi ko.

Be the first to comment

Leave a Reply

Your email address will not be published.


*