Nizan KIA Le Kawl Ralkap An Ni Kah Nak Ah,Kawl Ralkap Minung Zei Ma Zat Nih An Hrianman He KIA Kut Ah An Ni Pe Cang.

April ni 19, kum 2021 ah khan Kachin ramchung Sadung le Kan Peik Ti lam cungah duty ciahmi Min Aung Hlaing ralkap hna chung in ralkap pa 5 hna cu an meithal he Kachin Independent Army ttat-zin 3 hna sin ah an i dor tiah thawngpaang theih a si, Min Aung Hlaing cu a ralkap pawl lila hmanh nih an zaamtaak thluahmah ko cang hih!

A pe mi hna hi,An mah nun himnak ca lawng si loin an chungkhar hna nun himnak caah tiah KIA lei nih an min le an ttat-zin, cun an ralkap number te pawl zei hmanh an langhter lo, KIA sin ah tu bantuk in aa dormi pawl thah lo ding, ram a daih tik ah an chungkhar hna sin ah tlun ter ding le KIA sin an um chung ttha tein zohkhenh ding in thanhca an rak chuah cangmi si.

Sihmanhsehlaw, hi bantuk in a rak zaammi hna hi Min Aung Hlaing chuahtaak an duh tak tak ruangah maw si, thih a ttih men men ruangah maw si timi le dalan tuah an duh ruangah dah si timi belte cu KIA lei in an i ralrin ngai hau lai. Kan mah pawl nih cun kan siarem lo ruangah kan hei chim i si ko, kan chim hlaan hin an i ralring tuk cang ko lai.

Shan chung zongah Min Aung Hlaing ralkap chungin ralbawi (buhmu) pakhat simi Hein Thaw Oo zong nih an pu le lungput le thil tuahmi a duh bak ti lo ruangah a zaamtaak hna, tuni caan tiang ah ralbawi pathum bak an zam cang, Hi a pe mi hna hi, an mah long silo in,midangdang zawng a pe ding an tamtuk rih tiah theih asi.

Credit : Kachin Journal/KNG

Be the first to comment

Leave a Reply

Your email address will not be published.


*