Nizan March 14 Zan Ah Khan KIA Nih Kawl Ralhrang Hna An Phomh Hna Cu A Fak Tuk Hringhran Ko.

March 14 zaan ah Kachin ralkap nih kawl ralkap faktuk in n homh hna i, a thi mi le a hliam mi zawng an um len tiah theih asi.2021 March 14 zaan ah Kachin Ralkap (KIA) nih Kawl Ralkap cu an kalhnawh hna i, faktuk in an phomh than hna. Nantphakkha le Kuatkhaing karlak Banggai Lam cheu, Hugyi timi hmun ah hmunhma a la mi Kawl Ralkap Tatma (99) cu Kachin Ralkap Tatmaha (4), Tatyin (8), K2 nih Zaan suimilaam 7:30pm hrawng ah an luhhnawh hna i, faktuk in an phomh hna tiah theih a si.

Kachin Army (KIA)hna nih Kawl Ralhrang an kah hna ning cu a fah tuk i, an celh lo caah Kawl Ralkap hmaikal pawl cu hnu ah an kir than i, an zam len tiah theih a si. Nain, Kachin Ralkap (KIA) nih Kawl Ralkap a zaam len mi cu an dawi len rih hna tiah theih a si.KIA nih hin kawl ralhrang hna cu,a tu le tu-ah an kah lengmang cang hna caah ,kawl ralhrang hna lei hi an batuk cang caah Helicopter an hman cang tiah theih asi.

Kachin Army (KIA)hna le Kawl Ralhrang an i kah hi zaan a si caah Kawl Ralhrang hna lei in a thi mi hi Minung 3 lawng fiangten an theih khawh. Kachin Ralkap (KIA) lei in a thi mi le hliamhma a pu mi an um lo tiah theih a si.
kawl ralhrang hna hi a thi mi 3 lawng an hmuh mi hna asi i, hi nak hin an tam lai i, a hliam mi zawng an um pah len lai tiah an chim.

Ref: Kachin Liberation Media

Be the first to comment

Leave a Reply

Your email address will not be published.