NLD Caah Ruah Chanhnak Tampi A Um,US Nih A Ti Cang Ah Cun Tikhawh Lomi A Um Lo.

US nih aa timh i a tuah cangmi cu Vawleipi an holh ngam lo.Trump nih Jerusalem cu Israel khualipi a si tiah fehternak ah US am embassy cu Jerusalem ah aa tthial ko i, aho nih an holh ngam lo.Bush nih UN resolution loin Iraq a phawmh i ahodah nih an holh ngam lo.

Obama nih Pakistan ram ah Osama Bin Laden cu a va thah mei ko. Aho nih an kham kho lo.Trump nih Iran general Top, Saleimani cu Iraq ram ah a thah ko. Aho nih an cu-kha ngam lo.Cucaah, US nih Myanmar Military Coup ah hmalak an duh tak ahcun, UN le N lo a biapi tuk lo. An duh ahcun Min Aung Hlaing hi a inn ah an va tlaih ko lai i, IJC ah taza an cuai ko lai.

Cucaah. US congress nih Myanmar Coup hrawhnak Bill, congress ah an chuahpi lai tiah thawngpang a chuak tikah, an chuahpi tak ahcun, US khuasa Laimi le Kawlram mi dihlak nan biapi taktak. Nan umnak State ah Congressmen paoh kha email kua cio hram u! An mail boxes ah Kawlram kong lawngte lut seh.

US nih Kawlram kong hi biapi ah a chiah ahcun, Europe le Canada tbk vialte nih an dirhkamh ko lai. US nih biapi ah a chiah lo ahcun, Russia le China nih teinak an hmuh lai tinak a si i, Ralkap pawl nun Khua saunak a si lai. Cucaah, US hi biapi taktak an si ko. Mahle ti khawh ning cio in colcanh a herh lio caan te a si.

Mipi duhnak ruat loin, hramhram in uknak aa latu, Ralkap nih Cozah an sermi ah Ralkap he riantuan aa timhmi paoh cu, Chin/ Myanmar political History ah a chiakha bik in tuanbia kan tial a si ti kha rak hngalh cio u!
Ralkap nih rian pekmi cohlang le Ralkap he riantuan hi Miphun dawt a si lo. Treason/Traitor a si. Miphun leirawi a si.

Tulio bantuk caan ah Miphun a dawmi le miphun caah tuanbia dawh ttial a duhmi nihcun, sungh/sacrificed an ithim lio caan a si. Cucaah, Civil Disobedience tiah Cozah riantuantu tampi an rian an chuah tak i, Ralkap thil tuahmi cungah lungtling lonak cu, sungh/sacrificed ithim in an langhter cio.

Feb 1, 2021 ah Chin/ Myanmar political history chapter thar pakhat aa thawk cang. Ahodah amah pumpak hlawknak a Kawl i, ral he riantuan aa thim? Ahodah Miphun dawtnak in sunghnak/ sacrificed aa aa thim? CHAPTER thar ah nan tuanbia ttial aa thawk cang.

Be the first to comment

Leave a Reply

Your email address will not be published.


*