November Ni 1 In Ralhrang Kuttang Ah Sianginn On Nak An Tuah Mi Hmunhma Cheukhat Ah Hmuhkhawh Mi Pawl

Siangin akai dingin sianghngakchia an um lo tuk I siangin khan chung alawn tukah saya, sayamah pawl hi (hmawngkhu) athlithup in atuah mi ko khi an lo hna tiah social media an alanghter. Sayamah pakhat le bang cu rian an ngeihlo tuk a atawfi aakheu lio hna hmanthlak ah nihchuak capo bantuk in alang.Siangin akai mi hi Cacawn nak khan pakhat ah le Cataang pakhat ah minung  4 lawng hna an si I an dihlak in Top 4 tiang laksawng an co dih ding tiang minung an tlawm cu khuaruah har ni chuak asi.

Siangin khan chung ah tanghra acawng ding nungak tleirawl te te hna an pawng in cenghnia bangin ralhrang hna  nih adir hnawh mizawng zohdawh lo ngai in hmanthlak ah alang.

Siangin pawngkam hrawng ah ralhrang hna nih hmunhma an hei lak I Siang Inn lawh lo in Thonginn tu alo deuh. Sianghngak chia tamdeuh cu lampi ah Siangin uniform hrukngam lo in cacawn nak khan chung an phanh hnu lawngin Sianginn Uniform an I eih ngam tiah theih asi.

Siang hngakchia cheukhat cu Sianginn an kal tikah an chung le  hna nih an him lai loh ti an phan caah Kutka tiang an chung le nih an va thlah hna, (cawpaweih) in an uniform cu an fun in siangin khan chung ah an I eih.Cun acheu cu Siangin lut nak in hau inka I covid  ralrin nak ding ca I an chiah mi kut tawl nak pawng ah (Cawng sing cawngphio) cu an I eih I ca cawn nak khan ah an lut hna. Cun Sianginn cheukhat hna ah cun sianginn akai ding sianghngak chia hrimhrim an um lonak siangin zong aum I ralhrang hna tu nih cun sianghngak chia hi an tam, ko tiah social media ah cun an tial ve.

MahPaw Lawng Aaruat Mi Pawl Ralrin Peknak, Cun Ralhrang Nih CDF Pawl Ralrin Anpek Ve Hna.Tu lio kan boruah ah tender rian a ttuan mi le tender rian tender rian a thar in a sok mi contractors pawl kan lungthli tein kan in ngiat ko hna, a theih zong kan in theih ko hna.

Tu ka si tiah a ti mi Maheh ko hi lo hlah u!  Na miphun hawi hna nih an nunnak thaap in ram le miphun an kilven. Ram le miphun caah rian an ttuan cuahmah lio ah nan nih nih ralhraang sin ah chawva ngeihchiah kawl,

in nanmah miatnak ca ah maw rian nan ttuan len rih ko lai. Hakkauh duhfahnak nih minung nunnak a liam ter ti hi philh hlah u!  A kan zoh sawh ko lai ti zong i ruat hlah u, Kan in zoh sawh hna lo hih.November ni 2 Tu zingah khan ralhrang lei in remdaih nak lam akawl cuahmah tu General Col., Yapyih hruai mi (NSPNS) le Kachin Baptist convention (KBC) Kachin remdaih nak bu aiawh tu (PCG) cu Naypyidaw ah tonnak an ngei. Hi tonak ah hin zeikong dah an ceih timi cu fiang in theih asi rih lo tiah  PCG chungtel asi ve mi U San Aung nih cun Myanmar now ah achim.

PCG Bu hi remdaihnak aum khawh hnga biatak tein acawlcang mi an si I NDL cozah chan liah khan Tlangcung hriamtlai phun kom cheukhat le ralhrang karlak ah daihnak tuah ding in arak bawm chan tu bu an si.Col., Naw Bu nih achim ning ah cun atu zing I ton nak an ngei mi cu ralzam hna kong asi kho tiah ati. Adang kong an I ceih ding tu cu ka thei lo tiah ati ve. Cun atu zongah hin KIA hna nih cun Kachin ram chung lawng si lo in ramri le Sagaing ramthen hmun cheukhat hna ah cun Mipi rungveng tu bu cheukhat he I bawm I ralhrang an doh cuahmah ve.

Cun ralhrang doh timh in hriamtlaih aa timh mi tampi zong KIA nih zohkhenh mi ram ah raltuk cawnnak an pek hna tiah theih asi. Atu bantuk in ralhrang hna ni hriamnam in rampi uk an timh asi ah cun zeitik hmanh ah daihnak le adik mi democracy cu a chuah khawh ding asi lo caah ralhrang hna tuahser nak hi ngawlding in ca thanh kan chuah nak hi asi tiah Col., Naw Bu nih cun achim. Cun KIO cu mipi he lungkhat in atang tti mi phu kan si. Kachin ram I phu Ngan Pa 2 Naypyidaw ah kal in Ralhrang he remdaihnak in biaruah nak an va ngeih zongah KIA nih cun hi ruangh ramkhel lampi cu aathleng hlei lai loh tiah an ti.  Remkhel kongah policy pakhat khat thlen ding aum asi ah cun mipi sinah ruahnak hal ta hnu lawng ah a tuah ding mi phu(Bu) kan si tiah Col., NawlBu nih cun achim chap. Credit: Myanmar Now

Be the first to comment

Leave a Reply

Your email address will not be published.