November Thla Chungah SAC Ralhrang 100 An Thah Hna

December ni 3, KNU battalion 5 hmunhma ah thlakhat chung kahdoh nak hi voi 150 leng achuak I hi chung ah hin SAC ralhrang lei in minung 100 leng ah thi tiah KNU hrambunh thawngthanh nak nih December 3, 2021 ah khan an langhter.

KNU hrambunh thawngthanh nak nih an thanh ning ah cun November 1 in 30 tiang I voi 151 aum nak ah hin SAC ralhrang le SAC ralhrang he attang tti mi ramri hngak ralkap hi minung 103 an thi I minung 88 nih hliamhma an pu tiah an langhter.SAC ralhrang athi mi chung ah hin battalion haotu le achang tu an I tel I hliamhma apu mi chung zong ah hin an I tel thiam thiam, cun ralhrang nih an hman mi rang 6 an thi mi adang 6 hma apu, cun ralhrang motor zong 7 arawk tiah KNU hrambunh thawngthanh nak nih cun an langhter.

Cun hi chung ah hin ralhrang hna an hmanding thilri le an minung pawl cu an rak thlah lengmang ve hna nain KNU lei nih luhnak nawl kan pek hna lo caah nifatin in kahdohnak hi aum peng, cun kan umnak hmunhma hrim hrim in thawldih ding hi KNU kan rian asi cu caah kan kah peng hna I minung hi zat tiang an thih nak hi asi tiah KIC cin ah an chim.Cu lawng cu si loin KNLA battalion 5 hmunhma lei zongah Nov thla chung ah hin minnung 3 an thi ve I minung 7 nih hliam an tuar ve tiah KNU nih cun an chim. Cun ralhrang hna nih hin sualnak ngei lo mipi hna an ei dinding le an inn Lo cu hramhram in hriam ngan in an kah caah Khuachung ah hriam ngan hi 53 atla tiah KNU lei in an chim chap.

Kan hnu thla October thla chung zongah khan KNU battalion 5 hmunhma ah hin kahdohnak 204 achuak I SAC ralhrang lei in minung 93 an thi i minung 96 nih hliamhma an pu tiah KNU I thawngthanh nak ah cun anlanghter. Rff: KIC

Be the first to comment

Leave a Reply

Your email address will not be published.


*