Nu Fa Rual Hna He Avuikhat Nak Kan I Ton Nak In A Tu Ah Kan I Tawn Than Ah Hin Ka Ngaih Chia Deuh Tiah

Ni hnih a rauh hnu ah an inn ah ka va leng hna. An kee a rak caakmi tete kha an biang tu ah a rak i tthial cang. Nain, duh an nung deuh. An i dawhnak tu a rak si. Thla 3-4 ei ding buh, chiti tibantuk kan va pborh hna. An herhmi tete ka va cekhlat dih.

Thaizing belcu fenh-aih kan zaalti hna lai. Kedan phanat, thilpuan, ihphah tibantuk pawl. Kiptuh tu khi dinti, kholhnak tipung ngan kan zaal tthan te lai. An fa hniang le pahnih lawng an rak um. Ka vun cawi hna lai ka ti ah an ban an hun ka chanh cang..Kaa nuam tuk. An U le pahnih cu inn pa ah an rak leeng rua an um lo.

A herhmi tete ka pek dih hna in ka ttin lai ah an pa nih Zaan fate thla kan cam cang a ka ti. Hlan deuh ah cun Saa-kawng an rak hmang pah rua. Vawlei an herhmi chanh pah ah Bawipa Bia phorh pah kha ka Mission a si ttheu.
Laksawng nan rak chuahmi hna nih hin an Nun a thlen te lai. Bawipa nih sunpar co ko seh.

Laksawng 783,000- hrawng an hmuh cang. Angki, bawngbi, phanat, Facang chiti, Kala pee, catphiat le a dandang an hman hnga mi kan va zoh piak hmasa hna lai i kan cawk piak hna lai..A hleimi phaisa fang in kan pek hna lai.

Manna Changreu Cu A Ho Dah A Ei Kun Lai(Exodus: 16). Maana changreu cu Pathian thinlung in aa semmi a si.A dawt tukmi hna Israel miphun nih rawl um lonak hmun ramcar lak ah Pathian nih a pekmi hna Special rawl a si. Minung Pakhat nih Thlakhat ah Dollar Fangkhat(1=1=1)nan pek laimi hi Laimi phun nih a tu lio ramcar lak ah kan comi thluachuahnak rawl a si lai. A herhmi nih i zaat a si lai.

Maana Changreu A Eitu Ding Cu:(Mizaw harsa caa) 1. Ngaktah buangro, 2. Nuhmei Pahmei, 3. Pum tlamtling lo, 4. Bawhte le ngakchia, 5. Nau no tlai hringtu nu, 6. Midang run inn tang ah aa dor chungmi hna, 7. Zumlo tu lak ah Khamhnak Thawngtha a aupi tu hna(Sp Hi hna nih zawtnak fakkhun an tuar tik ah bawmhnak kan i pekning ding cu a si lai(A harsa taktak mi caa lawng a si). Pathian nih Thluachuah a pek caah A Min thangthat si ko seh…Amen. Bawi Khrih ah nan rian tuan hawi,

Hi hna nih zawtnak fakkhun an tuar tik ah bawmhnak kan i pekning ding cu a si lai A harsa taktak mi caa lawng a si. Pathian nih Thluachuah a pek caah A Min thangthat si ko seh…Amen. Bawi Khrih ah nan rian tuan hawi,

Hakha thar lei in ka rung ttum i ngakchia rual nih ka motor an kham. Kan meihol kan phor piak ko an ka ti. Ka motor cung ah dip 6 kan chuan. An fa le pa(4) cu an i ngaw dih deng. Meihol rawh in an i cawm. An fa le hi khuasik lak le dapvur lak ah Palastic khuh bu in an riah pi hna nain zeitikhmanh ah an zaw bal lo.Dinh caan um lo in rian an ttuan.

An meihol cu an nupa fa rual in khuachung ah an rak zuar tti than hna. Meihol man in changreu kan i cawk lai tiah an i chim i an tha a nuam tuk. An lung an i rual ning ka zoh i ka uar tuk hna. Tah hmang le aipuan hmang pakhat hmanh an um lo.

Nan baa tuk nan harsa tuk fawn nan thinlung tah zeitin tiah ka hal hna i, Saya aw kan sifak ko nain kan thnilung cun kan i nuam tuk ko e an ka ti. Nan zawtfah le eidin nan hartuk ah cun ka chim ve te uh tiah Ph No ka pek taak hna. Cun nan lung aa rual man ah Meihol phorh awk nan ngeih fatinte ka chawn u law a man lo tein kan rak in phorh piak tawn hna lai ka ti taak hna (Motor man hi Kyats- 20,000/- an pek tawn.

“Hman kan thlak hna lai i laksawng tete zong Bawipa nih an kuat khawh te men ko hna” tiah ka ti hna i, nuam tein kan i tthen. Bawipa thluachuah aa dan cioning phuan ka duh bia a si. Amen.

“Ka Sifah ruang ah kaa thlop kho lo timi cu Bawipa Jesuh Min in kan hloh lai. Minung pakhat nih a hmebik cem Dollar fangkhat($1) pek siannak cio in rel cawk lo mizaw harsa kan nunh hna lai. Minung pakhat nih Thlakhat ah $1, kumkhat $12 tinak.

A hmasater bik ah: Laihritlai kan miphun (1400) fai khuasaknak hmun Canada rampi huap caah retheih aa thimtu cu Pi Țha Tin Vang Siang Siang Nu, A tuan ding rian cu: Khrihbu kip sin ah le pumpak sin ah i tel cio awk in lemsoinak a tuah lai.

Phaisa petu an min le pekzat cazin a chiah lai. Canada ram khuasa nih hi riansung ah ii tel cio awk in rak pehtlai cio uh. Tar le bawmhte hna tiang nih itel ve an duh kha nu le pa nih philh piak sual hna hlah uh cih. Pi Țha Tin Vang hi Pu Tial Vung i a thaisung nu a si i fa pa(3) he Toronto ah khua an sa.

Pu Țial Vung te chung he hin kan i thei hmasa bal lo. Kan i theih hmasa bik hmun cu mizaw ram ah a si. Mizaw harsa ka chuah pimi poah Kawl he Lai he mizaw zual harsa (50) fai sin ah bawmhnak a petu an si. Phaisa fang in Ting 120 – 150 kar a si lai.

Hi tining hin mizaw a bawm lengmangtu Nu le chungkhar kong hi ka hlat kho bal lo. Caan sau a rauh nawn hnupi ah khin Princess Margaret Cancer Hospital ah Blood Cancer in aa thlop lio cuahmah mi a si i a thi lai maw a nung lai dah tiah thin domh in kan um cio ko e tiah Canada khuasa pa sin in a kong ka hun theih hi a si.

A zawmi kha va damter hna u, nannih nih man pek loin nan hmuh i man pek loin va pe ve hna u.” Matthai 10:8
Bawipa Pathian sin in damnak a cotu Siang Siang Nu nih mizaw tampi damnak an hmuh khawhnak hnga rian har a ttuan piak rih hna lai. Canada ram chung pehtleihnak le E-transfer tuahnak: Htar Vang, Tel:1- 647 703 1794, FB: Htar Vang SiangSiang Nu.

A hartuk mi rian a si i a mahte lawng in liim tuan awk ah aa fawih lai lo caah Canada ram um nan zaate in rak bawm cio uh tiah toidor tein kan nawl hna. Ramkip hmunkip in thla a ka cam piaktu vialte zong nih nan thlacamnak ah a nih zong hi rak ka telh piak tawn uh.Bawipa Min thangthat si ko seh…Amen..Cung Hu, Founding Ditector, HOPE Blood Donor Organization(Hakha), Tel: 09400305298, Crd: Cung Hu Blood