Nu Le Va Kum I Thlau Nih Achuahpii Mi Pawl

Nu le va karlakah kum le caan rel in ramri bi khiahpiak khawh a si lo, i duh cang hnu ahcun kumkhua nih lai a rel lo, ticu kan theih cio ko. A si nan, a rak si thlu  lo! Zeicatiah nu le va kum khua ai thlau tukmi cu a si kho deuh lo, nu nak in pa a upat deuh tuk a silo ah, pa nakin nu a upat deuh tuk ahcun thil a rak buaiter deuh ko.pakhat le pakhat karlak ah hmuhning le ruahning ai khat kho lo i buainak tete a chuak tawn cucu kan van langhter lai.

1. Nawlneih duhnak: A nupi maw a pasal deuh an si ah Kumkhua upa deuh a simi poh nih nawlneih nak an duh tlangpi.a Pasal kum upa deuh a si ahcun a hngakchia deuhmi a nupi cu uk a timh, A nupi nih a duhnak le a dawtnak kha zei ah a relpiak lo. Nu kha a upat deuh a si ahcun a pasal kha uk a timh ve tthiam tthiam, nu dang va chonhbiak hrim hrim kha a senhlo i an nupa karlak ah elhnial nak a chuak tawn.

2. Duhmi/uarmi ai khat kho lo: Upa deuh nih  dai ziar te in um a duh lio ah a hngakchia deuh mi nih lengchuah le i hokleh le nuamhnak kal , puai zawh tibantuk a rak duh i dai ziar tein a um kho lo. Upa deuh duhnak le hngakchia deuh duhnak hi ai khat kho tawn lo i curuangah cun nu le pa karlak ah i hmuh thiam lonak hna a um tawn.

3. Chawva hmanning ah buainak: upa deuh nih chawva hmuhmi i khon tthep tthep a duh lio ah hngakchia deuh nihcun neihmi chawva poh in hnipuan hrukeih cawk le zalh a rak duh,kawlhawi nak lei hrim ah kum khua ai thlau tukmi cu thinlung ai khat kholo i buainak a chuak peng.

4. Lungrual a har: Ai khat lomi lungput, a hmun kho lomi khawruahnak le a can kholo mi duhthim nak ah lung ai rual kho lo, chikhat caan rak i duhnak kha caan a vun rauh tik ahcun thinlung le ruahnak ai khatkho lomi nana na cu buainak a chuak ko.

5. Pawngkam minung nih soisel an hlawh: Kumkhua ai thlau tukmi pawngkam minung neihniam pawl nih an neek deuh hna, A kum upa mi hi a duhtuk ruang silo in a chawva ruangah sila an hei ti, a hngakchia deuhmi a neimi cu a lerhtuk caah si an hei ti i, soisel an hlawh taktak.

6. Putlin a har: Nupa karlak i hngakchia deuh mi hi an puitling kho lo. zeicatiah cun an mah nak upa he an um caah an dawt hna i a puitling kho lo, an thinlung a no i fa zeimawzat an neih hnu tiang zongah an puitling kho lo.

7. Zan boruak: Hihi nupa nun i thil cang pengmi a si nan, hohmanh nih an chim ngam theng lemlo. Kum upa deuh caah  thazang tthawnnak a tla deuh cang i nu-pa sinak, taksa diriamh nak ah an thazang a der. A upa deuh nih diriamh nak a pekkhawh  lo ruangah a hmai a khap lo a hngakchia deuh zongnih um nuam loin a um cutik ah an nupa karlak i pehtleih nak ai hlaat thluahmah i i tthennak tiang a chuak tawn. (Hi pawl hi a tlangpi in nu le va a tlawmbik kum 10 hrawng i ai thlau mi pawl lakah a cang mi an si ).

Be the first to comment

Leave a Reply

Your email address will not be published.


*