Nu Pakhat Nih A Thil Ton Mi Kong Hi Mipi Nih Ralrin Taktak A Hau

Khuachung lei kal ding ah inn in ka rak chuak. Keimah hi Yangon taxi mongtu pawl an ziaza hi ca in tampi ka rel tikah an kong lam tampi ka theih hna . Cu caah taxi ka hlan tikah kaa ralring ngai. Cu zing cu taxi ka hlan mi pa hi ka zoh i miding fel a si lai tiah ka zumh caah bia saunawn kan i ruah hnu ah ka hlan mi si i ka lung aa nuam ngai.

Taxi cung ka van kai tikah ka chimh mi cu aircon na on lai lo ka ti,a ruang cu aircon an on tikah motor thlalang vialte an khar dih i cu tikah rit kho mi sivai an thlah tawn caah si. Cu ti ka chimh tikah cun ka on lai lo a ti ve. Can tlawmpal kan kal hnu ah motor thlalang in a tu le tu a hun ka bih peng mi ka hmuh tikah ka lau pah nawn. A sinain zei a tih lo bantuk tein kaa umter.

Ka kalnak ding hmun kan phak hlan deuh ah cun a ka zoh mi hi ttih nung tak khi si cang ko a zoh hmanh ka ngamh ti lo. Cu tlawmpal ah cun a motor chungin a khu an hung chuak thluamah. A khu cu ka hung doh tikah ka lubg an ri i ka lung ah a kai. Cu tikah ” Taxi kha dir ter tiin ” fak taktak in ka au .

Van that celngel ah lamcung i aa chawk mi mipi nih an hung kan zoh tikah a lautuk i taxi cu a dir ter. Mah le cangka cun ka kedenh hmanh lak manh lo in ka tum i ka tli tiah taxi hlang tu nu pakhat nih a chim.

Thawng dang,Sagaing ramṭhen, Kalay peng thlanglei, Nat Chaung khua pawng ah rallam a sialtu SAC ralkap hna cu mizapi vengtu ralkap VAKOK-CNDF- le Pah-Kah-Phah phufonh hna nih April 24 zinglei Sml 10:30 hrawng ah a thli tein an bawh hna i an kah hna caah SAC Ralkap 5 an thi, tiah theih a si.

Nat Chaung khua chaklei ah Warpukgyi Chaung  ti mi hmun a um i SAC ralkap hna cu rallam hmunthum in an ra. Warpukgyi Chuang lei ah a ra mi hi minung 25 an si. Kan bawh hna i kan kah hna caah SAC ralkap 5 an thi. SAC ralkap cu hnu an tolh ṭhan. Kanmah lei hliam tuar mi aho hmanh kan um lo, tiah VAKOK –CNDF- hruaitu Aa Lian nih yangon khit thit ah a chim.

SAC ralkap hna cu bomb puahhnawh kan tong sual lai ti phang in mawṭaw lampi zul ngam loin ramlak in an ra i, a thli tein kan bawh i kan kah hna hi a si, tiah a chim chap.Magwe ramṭhen, Pauh peng Nyaung Yin khua pawng ah Thazaang 70 hrawng a si mi SAC ralkap hna cu nizan April 23 zinglei Sml 10:00 hrawng ah mizapi vengtu ralkap nih bomb an puah hna i.

SAC ralkap 2 an thih lengah tampi hliam an tuar, tiah theih a si. Cu SAC ralkap hna cu Yee Pia khua lei ah rallam an sial lio ah Nyaung Yin khua pawng ah bomb puahhnawh an tong cang. Kaphnih kahdohnak cu suimilam 1 hrawng a rau i SAC ralkap hna cu Myiang peng mizapi vengtu ralkap le Pauh tlanglei Tinghlua phu hna i bawm in an kah hna i mizapi vengtu ralkap lei in hliam tuar um lo tein hnu an tolh kho, tiah theih a si.

April 23 zong ah Pauh peng Sating khua ah thazaang 80 hrawng SAC ralkap hna cu Pakokku mizapi vengtu ralkap PRF, Pakokku Generation Z, Pauh peng mizapi vengtu ralkap, Myaing peng mizapi vengtu ralkap, Pauh hriamtlai ṭangrual phu hna i bawm in an kah hna.

Kahdohnak cu Sml 6 hrawng a rau i SAC ralkap 5 an thi. Mizapi vengtu ralkap hna cu hliam tuar um lo tein hnu an tolh kho, tiah Pouh peng mizapi vengtu ralkap nih cathanh an chuah.Karenni Ramkulh Kahdohnak Ah SAC Ralkap 16 An Thi, 17 An Zaam.

Karenni,Kayah ramkulh chung, April zarhthumnak chung i a chuak mi kahdohnak ah SAC ralkap 16 an thi i, tamlakte hliam an tuar, tiah Karenni mizapi vengtu ralkap nih cathanh an chuah. Pruso peng Htalay le Naan Phe  karlak ah rallam a sialtu SAC ralkap hna cu tualchung mizapi vengtu ralkap nih an kah hna i SAC ralkap 17 cu an zaam.

SAC ralkap a zaam mi cheukhat cu Karenni mizapi vengtu ralkap sin ah an i fonh ṭhan, tiah theih a si.Cu kahdohnak ah cun KNDF lei in ralkap 2 an nunnak a liam, tiah KNDF nih cathanh an chuah. April zarhthumnak chung ah Moebe, Wari Su Plai le Wari Kaw Khu  khua, Demohso peng, Dawkami le Oo Khu Ri khua, Pruso le Baw La Khe ramri um Htalay  le Naan Phe khua tibantuk hna ah kahdohnak a chuak.

Demoso peng Dawkami khua pawngkam hrawng ah April 14 in April 23 tiang kahdohnak a fak i, cu bantuk in Moebe peng Wari Su Plai khua pawng zong ah April 15 in kahdohnak a chuak cang.April 15 ah Loikaw khuapi Htee Tta Mah  veng chung ah SAC ralkap le mizapi vengtu ralkap hna kahdohnak a rak chuak i SAC ralkap lei nih mipi umnak hmun cu hriamngan in an kah hna i.

April 16 ah Loikaw khuapi Chike  sang ah kum 8 ngakchia pakhat zong an kahthah tiah, KNDF nih cathanh an chuah. Cu pinah SAC ralkap hna nih zarhkhat chung ah Loikaw le Demoso peng chung ah inn 14 an khangh i hriamngan kahnak ruang ah Demoso, Pruso le Loikaw peng ah inn 8 an rawk, tiah an langhter.

Thawng pang dang rel chap, Magwe ramṭhen Gangaw peng in a rak kai mi SAC ralkap hna le Chin ramkulh tualchung hriamtlai phu karlak ah kahdohnak a chuak. Cu kahdohnak ah cun SAC ralkap 30 an thi i, hliam tuar zong an tam, tiah CNA sin in theih a si. April 23, zanlei suimilam 4:30 ah Lungcawi le Lamtuk khua kar ah kahdohnak a chuak i, kaphnih kar kahdohnak cu suimilam 1 tluk a rau, tiah an chim.

Ke in a ra mi SAC ralkap hna cu SAC ralkap nih hramhram nawlngeihnak a lak hnu in Chin ramkulh ah minung thazaang tampi he an rat voihnihnak a si, tiah CNA in chimphuannak nawlngeitu Salai Htet Ni nih Mizzima ah a chim. Cu kahdohnak ah cun CNA le CDF-Hakha phufonh an i bawm i, mizapi vengtu ralkap lei hliamtuar le a thi mi an um lo, tiah theih a si.

Tualchung hriamtlai phu hna le SAC ralkap kar caan tawi kahdohnak cu nitin ngawt in a chuak nain a ruang tampi ruangah thawngthanhnak kan tuah lo, tiah a chim. February thlachung ah minung thazaang 200 hrawng he Kalaymyo in Hakha lei rallam an sialnak ah CNA le tualchung hriamtlai phufonh nih voi tampi an kahdoh hna i, SAC ralkap 100 tluk cu an thi cang, tiah Salai Htat Ni nih cun a chim.

Rallam a sialtu SAC ralkap hna cu minung thazaang zatceo he lawng Hakha an phan i, Gangaw lei ah an kir ṭhan. Gangaw lam lei ah minung thazaang chap in Hakha lei ah an ra ṭhan, tiah theih a si. Falam in Hakha lei ah a voikhatnak thilri a phor mi SAC ralkap tank motor 2 le SAC ralkap 200 hrawng nih zulh mi motor 27 cu a luancia February 27 in.

March 7 tiang ah CNA le tualchung hriamtlai phufonh hna nih voi 15 an kah hna, meng 41 tluk aa hlat i suimilam 2 hrawng kalnak khuallam ah SAC ralkap motor ruun cu zarhkhat leng an rau, tiah theih a si.Kawlin-Wantu Motor Lampi Bomb Puahnak Ah SAC Ralkap 23 An Thi: SAC ralkap minung thazaang 50 hrawng nih Sagaing ramṭhen.

Kawlin-Wantu lei ah April 23 ah rallam an sial i tualchung hriamtlai phu hna nih bomb puahhnawh in an doh hna caah SAC ralkap 23 an thi i minung 14 nih hliamhma an tuar, tiah tualchung hriamtlai phufonh nih an thanh. SAC ralkap hna nih nihin April 24 zinglei in Kawlin-Wantu lamkam um mi khua cheukhat hna cu meikhangh in an hrawhpiak hna, tiah tualchung hriamtlai phu chungtel pakhat nih a chim.

Wantu pengchung khuali hrawng cu SAC ralkap nih nihin April 24 zinglei ah an khanghpiak hna i, Wantu peng Theinlay khua in nu pakhat cu mei nih a kanghchih tiah Kawlin Revolution -KR nih an thanh.Kalaymyo Yeshin Kahdohnak Ah SAC Ralkap Ralbawi 3 Tel In Ralkap 20 An Thi.Sagaing ramṭhen Kalaymyo peng chaklei Yeshin  khuapawng ah April 22 i a cang mi kahdohnak chung ah.

SAC ralkap lei ralbawi 3 le pyusawthi hna tel in minung 20 hrawng an thi, tiah PDF Kalay nih April 23 ah an thanh. Myitta  tiva nichuahlei um mi Yeshin  khua ah ralkap 250 he rallam hmunthum a sial mi SAC ralkap hna cu PDF-Kalay, CDF-KKG, RKDF le pah-kah-phah  phufonh nih an kahdoh hna.Cu kahdohnak chung ah cun tualchung hriamtlai phu in minung pakhat a nunnak a liam.

SAC ralkap hriamngan kahnak in Yeshin  khua inn 9 an kang, tiah theih a si. April 23 kahdohnak a chuahnak hmunhma cu PDF-Kalay nih hmunhma thianhhliamhnak an tuah lio ah SAC ralkap hriamthil 5.56 kuan 224, AP 95 Ozi kuan 61, Ozi  kuanbawm 2, bomb lung 3, MA kuanbawm 4, phone pakhat kan laak, tiah an langhter chih.