Nu Pawl Nih Cun Lantaak Hna Hlah Usih! Nau I Hrawh Tịh A Nun Khawhning Cu Tuk A Sum Taktak

Zeitluk in dah nau ihrawh (thah) hi tịh a nun ti hi nu tampi nih kan thei tawn lo. Phungning tein tḥitumhnak tuah hlanah nau a pawi sualmi zong an um tawn i cheukhat cu midang soisel lai phangin le nulepa nih theih lai phangin a thlithup in nau a hrawkmi kan tam ngaingai.

Nau thahnak sii
Zeitluk in dah tịh a nun zoh tuah hna usih; Nu nau a pawimi, thlakhat maw siloah thlah le cheu an si lioah Rubber pipe in an nau in chungah a ummi naute cu an dawp tawn. Cucu ‘Mentrual Extraction tiah an timi a si i tuah sual ahcun nunnak caah tịh a nung ngaingaimi asi. Tlawmpal a hung upa deuh cangmi thlahnih hrawng a si cangmi thahnak ding caah D&C method (Dilation & Cutterage) hi an hman tawn.

Nu chiatḥa in an sawh i nau i nau a ummi cu a parlei aharmi cerep in naute cu an ah-thah tawn. Cengceh bantuk a simi cerep saupi(Forcep) a har taktakmi in nu nau in chung i a ummi naute cu a ke le kut hna an ah-thah tawn. Hi ruangah hin zawtnak tịhnung ngaingai ngeih khawh a si i, cheukhat a vanchiami cu a thih tiang an thi phah tawn.

Atulio an hman bikmi cu Cengceh (Forcep) phunkhat a simi in nu pawchung i naute a ummi cu a ceh-ah loin nau thahnak phunkhat an hman cang. An thah hna ning cu naute cu a rial phunkhin an rial hna i cuti an naute an thahmi cu an dawp-chuah tawn i cucu a min ah ‘Suction Cutterage method’ tiah an uah. Phundangpi a hung si tikah, Operation tuah chung a rauh deuh caah nau in tiang a tḥ ihkaih khawh ti a si.

Thla 4-5 a si cangmi nau an thahning cu phundang taktak khi a si. Tuksum taktak khi a si. Cucu zeitindah an thah hna ti ah cun, nu pawchung i naute cu sivai (poison) in thah hna hnuah, thi cia in an hrin ter tawn hna. Cu sivai nau an thahnak cu ‘Saline method’ tiah auh a si. Nu nau inn chungah sichunhnak (syringe) ngan piin naute a umnak tiang an sawh i cu hnuah sivai cun an chunh i cu nih cun nu pawchung i ummi naute cu a thah tawn ti a si.

Note: Hihi midang caah santlaihnak or tḥ athnemnak a ngei hrimhrim lai ti ruahchannak he Mizo nih an tịalmi kan Laica tein kan von lehchinmi a si. Mi tampi nih an hmuh khawhnak hnga share rak tuah ve. Zeitluk in dah nauthah tịh a nun timi an theih khawh ngakhnga caah kan leh chinmi a si.

Be the first to comment

Leave a Reply

Your email address will not be published.


*