NUG Nih Phunghram A Ser Mi Kong Ah Phunghrampi Cu

Thah cang mi, athih cia mi an nung ṭhan ballo. Anung ṭhan ahcun athih lo / an thah lo I asi ko lai. Thihnak in athoṭhan mi cu Kan bawipa Jesuh lawng asi. Enoch le Profet Elijah lawng nih thih loin Vanram ankai. 2008 phunghrampi kan thah ko ahcun, achung ah um mi upadi vialte an thi dih, amah he aapehtlaih mi minung le Phungphai, tuahserhnak vialte thahchih asi ti hi kan hngalh a herh ngaingai.

Cucu kan hngalh lo caah, Dohthlennak ah hruaitu asimi CHIN GZ Ralkapbu hna cung ah uktu le Luban kan ṭuan duh hi asimen lai. NUG nih 2008 phunghrampi athah ah khan kan thih cikcek cang ti kha MPs Luborual nih hngalh a herh ngaingai. Cutin nan hngalh ahcun CJDC le CDFs caah mithnawm le hlingso nan si ve hnga lo. 2008 phunghrampi ning in mipi thimhmi kan si ko nain, Mipi cozah NUG nih 2008 constitution athah caah kan thihnak hi asi.

NUG le ICNCC nih Chin Cozah cu kan I dirh piak khawh hna lo caah, MPs le Party minung hna nih Direct in Mipi Ukhruai a ngah ve tilo. CDFs le CJDC cu Ukhruai in an cung ah bawiṭuan in cungnung bik Bantukin khuasak cu naa timh ngam ding asi lo. Na lungthin nih ruat in saduhthah rai asi lo bangin, na zawngzer thluak nih atuak ngam ding khi asilo. Na kaa nih Achimh ngam ding khi asilo. Na cuap in tuak in, tang lei in na chimh belte ah phundang, kan hngalh khawh ve lo tang bia cu.

NUG hi Saul SPH bantuk asi. Ral kan tei rih lo caah, Nihin ah, tirawl a Eidin mi vialte cu chiatseh tiah Saul nih athanh. Afapa Jonathan le ahawi le nih Khuaitizu an ei ai. Jonathan cung ah chiatnak atlung colh I, Ralram an thah colh ve. NUG nih MPs kong ruat lem loin, Kawlram le mipi zawnruah ah 2008 phunghrampi athah diam mi nih Kan MPs vialte thahchih ansi. Mipi le CDFs, CJDC puh len ding an si lo. CRPH le CRCH kan dirh cu mipi lei aw an ning in asilo. Ralram asi caah mipi kan holh lo I asi ko. CRPH le CRCH cu mipi ta siseh ti duh ahcun, aa ruang mi kusale thlah cio in MPs ṭhithruainak in ṭuan ding khi asi hnga.

Cu lawng ah Mandate timi aiawh tu an tling lai caah, lam atluang ding asi. Nain cutincun asi fawn lo caah, kan buaibai zungzal nak hi asi. Thimhnak le meeting tuah awk a ṭhat lo caah Mipi nih anmah ai awh ah an pawm mi phu tu kha can karlak uktu le hruaitu ah thimh ah a ṭha bik hnga. ICNCC le CJDC epchunh tikah, mipi nih an cohlan khawh deuh mi le mipi ai awh ah ruah cio mi cu chimh aherh lemlo, nan hngalh dih cikcek ko.

Chin Cozah cu Federal cozah an si lai caah, ICNCC nakin CJDC nih dirh awk ah phung ning in asi deuh hnga. Chin Ralkap caah CJDC le CNA kan ngeih cang. Chin Cozah le Chin Hlutdaw lawng kan herh cang. Chin Hludaw cu CJDC nih aruang mi aiawh tu thlah hnaseh, asilo ah Chin Miphun ṭenge (53) nih ai awhtu thlah cio hnaseh, nain Ai awh tu thlah cu CJDC nih biachah koseh. CNF / CNA nih an kan hruai ahcun, a ei khawh lo ding mi Chin mi kan um pah caah asi khawh lailo.

ZRA, MDF, tbk le CDFs Cheukhat. Chin mi pumkhat si ter awk ah CNF nih hmape angei, a cham bau, a hmaba rian a tlamtlin khawh lo kan ti lai. Chin mi pumkhat siter awk ah CNF cu ready asi rih lo, a puitling rih lo, a ngakchia rih ti khawh asi. We are one in CHIN puitling ter awk ah a herh mi Capacity le resources a ngeih rih lo kan ti ko lai. CNF / CNA tu hi CJDC member pakhat ah I cohlan koseh. Chin Cozah ah MPs pawl I tel khawh asi nain, CJDC hruainak in asi ve lai. Hihi Mipi siseh, MPs siseh, Party siseh, kan hngalh aherh. Kan Lungpiang a herh fawn.

CJDC nih an I cohlan ko hna ahcun, ICNCC le Chin MPs rual nih Chin Cozah cu dirh ko uh. Legislative, Executive le Judiciary zong tlaih ko uh. Defense Luzik zong ṭuan ko uh. CJDC nih an I cohlan hna lo ahcun anmah hnu zulh uhlaw, anmah he Chin Cozah ser ṭi ko uh cah, zeidah nan buai len ee. CDFs le CJDC um hlan ah kan MPs hna hi 100 % cohlan le bochan nan si ko. Nan keneh kan I zulh dawi hna tikah fellonak, mah pumpak miaknak le rumnak caah Dohthlennak cu nan hmang. Cu caah mipi lungthin ah nan thi. Nan keneh aadawh lo. Firkhut le dinfel lonak atam tuk caah, mipi nih kan in bochan ngam ti hna lo. CJDC le CDFs nih thih thloh sii an I chunh hna caah Nihin tiang nan nung.

Apoi bik mi cu nan pu le NUG nih 2008 phunghrampi an thah mi hi asi. Khengchap ah Paletwa ah Rakhine ah nan khumh sual, Pine (14) mumal nan chuah pi, NUG uktu Luban cu 2008 phunghrampi ning in thim asi, MPs caah lam apit nak hi asi. Mipi cozah chan I an nunning le ziaza, nan ṭial, firkhut zia, nan kaltak khawh lo mi hi a poicem mi asi. Mipi nih CDFs le CJDC cu 100% support kan tuah I anmah lei ah kan um. Cucaah ICNNC siseh, MPs pawl siseh, CJDC thladem tang ah nan um duh lo ahcun, Mipi nih Social Punishment kan in pek ve hna lai. Cucaah arannak in CJDC ah surrender rak tuah uhlaw, tang rak I dorh ko uh.

Ralhrang MAH te Kuri mi PEACE Dindeihnak cu Nithum chung tuah an i timh. Adang tein MAH nih atawn hna. Amah MAH cu Hmai bik ah amah lawng tein Cungnungbik SPH bangin a thu. EOA hruaitu hna le Rallokap bawi Lubo rual cu asir lei veve ah anthu hna. Aruang tein thu asilo. MAH nih Federal le anan duh mi vialte kan tuah piak hna lai ati nain, abia le aumtu ning, a thut dir ning bingtalet in an um. Self Determination le Equality & Equity a si ter mi Federal asi khawh lai maw. States ah nawlngeih nak power full aum mi federal asi khawh lai maw? An thutnak hmunhma nih niamsang an um nak alangh tir cang.

Panglong ningin Kawl kha duh cio asi. Confederation asilo ah Indepnedent in kal cu asi awk asi ko nain, Kawlte nih an duh ti lo. MAH nih aduh ve lai lo. Panglong article (5) b ning in Federal tu in kal kha an ceih pi hna lai. MAH le Kawlte nih Bahu ah Power aum mi Federal an duh. Tlangcung mi nih State ah power le nawlngeihnak full aum mi Federal kan duh. MAH le Kawlte nih Democracy Federal tiah min an pek. Amay Suu zong nih Democracy Federal a ti ve. Tlangcung mi nih Federal Democracy tiah kan kawh ve. Hi biafang karlak ah Hnatlak nak le biachah nak an ngeih khawh hnga maw? Federal Democracy in an kal khawh hnga maw? ti zong tuak ngai ding asi. CNF nan i tello tiah sualphawt lawng hi rianh ding asi ve lai lo.

Tlangcung mi Federal muisam cu Mah tein khuakhan Lairelnak aum cikcek lai, kawlte i thlak aherh bak lo tinak asi. Cu hlei ah tlukruan nak aum cikcek lai ti asi fawn. Tlukruan nak um cikcek sehlaw, covo le rights i khat seh tiah Pine 8 mumal kha aumnak asi cu aw. Cucu MAH nih cohlan in tutan Peace Biaruahnak ah an hlawh tlin lai tiah nan zumh maw. Na zumh ahcin CNF kha i tel ve fial ko hna. Na zumh lo ahcun Dai tein um cang ko.

All inclusive timi zapi tein aatel ding mi vialte i tel kha Theory ning duh cio asi nain, asi khawh ballo. Mirang le Kawl uktu kip nih Divide and Rule timi thencheuh in uk kha thlaici an rak vawrh cang caah asi. NCA ah siseh, 21st Panglong Conference ah siseh, all inclusive asi khawh ballo. Acheuh cu ralhrang an ti i telnak nawl an pek hna lo. bianabia ah AA le TNLA. Tutan MAH te PEACE TALK ah aatel mi hna cu NCA minthut cia le NCA member lo an i tel caah, NCA le 21st Panglong ning in kalpi khawh asi men lai lo. Adang tein kal a herh mi asi. Mumal le dundan azulh ballo mi MAH te rallokap an si caah phungphai suai lem loin an ka an i rinh men lai.

Kawlram adam cikcek lai, Paucan Dohthlennak a dih cikcek lai tiah MAH nih a duh ahcun: 2008 phunghrampi athar in kan tial than lai ti seh, Hlutdaw, Ramkhel, Ram ukhruainak, le sipuazi ah rallokap kan i thlak ti lai lo, Rallokap cu ralkap si awk ah Baarei ah kan kir lai tiah ti hna seh: Pine 8 mumal cohlan hna seh: Mah tein khuahkhan Lairelnak full apek mi Federal ram biakam senthuhnak um seh: Pine ah full power le nawlngeihnak a um cikcek mi Federal Democracy asi bak lai tiah biakam nak um seh: Cu hnu lawng ah CNF cu MAH PEACE TALK ah i tel ding in fial cang hna usih, fim i cuh phun in tutan hi fial duh rih hlah usih.

Hitin atuah khawh ahcun NUG nak in an hlawhtlin deuh te lai. Paucan Dohthlennak zong a dih cang ve lai. Kan ram cu alamkip in a thancho lai i ram nuam tuk mi ah aachuak siam ve hnga.Crd: ZingtinCuai Cinzah