NUG Nih Phungning Tein Zeipaoh Tawlrel Hram An Thawk Cang

NUG Sinah An Pek Dihcang Hna. Chinhwin tiva ah ningcang lo in an phurhmi lunghring cu Minkin PDF nih an tlaih I December 23 ah NUG cozah sinah pek asi cang tiah thawngthanh nak an tuah. Tu chunghrawng ah Chindwin tiva chungah cawlcangh nak le phungning loin phurh mi lunghring telh in tilawng 11 cu bomb in an puah hna cun meithal in athlithup in a rak kah hna.

Cun hi bantuk in phungning loin lunghring aphur tu hna cu an tlaih hna I NUG he pehtlai in rian tuan tu he an pehtlaih hna I an mah sinah cun an pek/ap dih hna. Minkin mipikilveng tu PDF battalion 1 nih Chindwin tiva hmang in hmawngkhu( smugger) thil atuah tu le atlunkal pi tu, dalan nih ralhrang thilri le kuan zen an phurh cu pinah ralhrang nih tilawng hmang inralhrang thazaang chap nak ah anhman ti kan theih.Cu caah cun atu ah hin ti lam hi biatak tein kan zohfel cuahmah I phungning loin thing phurh, Lungmeihawl le lunghring, cun ralhrang he aapeh tlai mi chaw leh hrol nak vial te cu kan kham dih, cun NUG zong nih an kal pi cuahmah ve. Ralhrang nih nawlngeih nak kan lak an ti hnu in Chindwin telh in Irrawaddy, Maykhat, Maylikhat tiva thluan ah phungning loin suikhor cawhnak

le phung ning loin Nga tlaihnak, phungning loin thing chuahnak, License khar cia mi Lung hmun pawl cu ralhrang nih tangka an hal than hna i tuah nak nawl an pek than hna cu pinah ramchung hmun kakip ah pungning lo in riantuan mi le riantuan nak atam tuk cang.

Be the first to comment

Leave a Reply

Your email address will not be published.


*