๐๐ ๐๐ญ๐ญ๐จ๐ซ๐ง๐๐ฒ ๐๐๐ง๐๐ซ๐๐ฅ ๐๐ฎ๐ญ ๐๐ก ๐๐ซ๐ฎ๐ฆ๐ฉ ๐ง๐ข๐ก ๐ ๐๐ก๐๐ข๐ฌ๐ ๐๐๐ณ๐ข๐ง ๐ ๐๐ฉ ๐๐ซ๐ข๐ฆ๐ก๐ซ๐ข๐ฆ ๐ ๐ก๐๐ฎ, ๐ญ๐ข๐ข๐ง ๐๐ข๐๐๐๐ข๐ก๐๐๐ฐ๐ข ๐ง๐ข๐ก ๐๐ข๐๐๐ก๐๐ก๐ง๐๐ค ๐๐ง ๐๐ฎ๐๐ก
============================================================================
Tax $21 million thumhpiak an duh ruangah Trump i a company vialte le amah he ai pehtlaimi hna nih an ngeihchiah he pehtlaiin a sining leng in an chim caah soisel an tong ngaingai.
Kan riantuannak ah sungh le zatlaknak kan tong. Cucaah tax nan kan thumhpiak dingin kan in nawl hna, tiin Trump i a company vialte le amah he ai pehtlaimi hna nih duhnak an langhter. Cu he pehtlaiin hlathlainak an tuah i, Trump Organization nih a phaisa cazin vialte hi NY attorney general kut ah a ap dih hrimhrim a hau, tiin biaceihzung nih biachahnak an tuah. Seven Springs Estate ah Trump company he rian a tuantimi engineer Ralph Mastromanaco le Trump Organization karlak i a ummi phaisa cazin hi NY attorney General Letitia James kut ah an ap hrimhrim a hau, tiin NY County State Supreme Court i Biaceihbawi Arthur Engoron nih biachahnak a tuah.
โDinnak le phung nih nawl a ngeihnak buan an co than cang. Tutan biachahnak hi zulh hrimhrim dingin The Trump Organization hi kan tawlrel lai i, a kong kan hlatmi he ai pehtlaimi phaisa cazin vialte zong kan apter hrimhrim lai. Biatak nih a kan hruainak lei paoh ah umkal dingin karhlannak kan pehzulh bangin, ka office nih a kalpi cuahmah lio mi hlathlai nih hi pehzulh a si ko rih lai,โ tiin NT attorney general nih a chim.
President Trump a fapa Eric Trump le a riantuanhawi pawl hi a riantuannak pehtlaiin an chimmi pawl hi a si taktak le sungh taktak lo, timi he pehtlaiin hlathlainak 4 an tuah. Cu 4 lakah cun ekah (acre) 212 tluk a kaumi hmunhma i Westchester innlo an sakmi kong hi ai tel ve. Hi vialte hi Trump a chungkhar he pehtlaiin hlathlainak an tuahmi a si i, President Trump nih a office chuahtaak dingin timhlamhnak a ngeih cang caah, Manhattan district attorney Cyrus Vance zong nih a sualnak a hlathlai lio pi a si. NY attorney general sinah an phaisa cazin ap lo dingin Trump a company nih hin sihni ai hlai kho lo, tiin biaceihbawi Engoron nih biachahnak a tuah chih. Hi cazin hi Dec. 18 hrawng tal ah cu ap hrimhrim siseh, tiin a chim.
Trump nih inn le lo a saknak cazin siseh, cun a company ralchanh in mipi nih an chimmi vialte zong hlathlai dingin August ah khan NY attorney general nih karlhlannak a tuah. 2015 kum i tax pek dingmi can ai ah Seven Springs sinah donation (mihar bomhnak) ka tuah caah $21 million tax zumhpiak dingin nawlnak a tuahmi he pehtlaiin NY attorney general nih hlathlainak a tuah hi a si. Cu zatzat donation a tuah taktak le tuah taktak lo hlathlai dingin karhlannak a tuah hi a si. Congress nan sinah lihbia ka chim sual, cun Trump campaign ah ningcanglo in phaisa kan hman sual, tiin sualngaihthiamnak a haltu Trump i former attorney Michael Cohen nih biakaa a thlah hnu in tutan hlathlainak a thok hi a si.
โTrump nih hin Forbes cazin chung mirumbik lakah i tel khawh a duh caah a ngeihchiah hi a sining leng tiangin a chim i, a pek hnga tax thumhpiak a duh caah a ngeihchiah hi sung viar bantukin a chim than,โ tiin 2019 ah khan congress committee hmaika ah Cohen nih a chim. Insurance company a bomhchanhnak kongah Trump nih bia a perh maw, tiin chiatser bu in chim dingin an hal i, โa perhtuk hme tehโ tiin a chim. Cu ti lih an chimmi kongah ai telmi an micazin siseh, election tuah tikah vote kongah dehhlennak, tiin tan laak te dingin Trump nih timhlamhnak ai ngeih cangnak capar vialte zong Congress cu a chimh lawlaw hna. Chelsea Bawi
Leave a Reply