Pa Pawl Nih Hi Nu Ban Tuk Minung Hna Hi Cu Hmai Lei Hmenh Chim Lo In Hnu Lei Hmenh In Zoh Lo Ding Si,

Karen ram kulh Myawaddy myone Metta Lin Myaing khuate ah a cang mi thil cu tih nung taktak asi. Nutung pakhat nih pa pahnih cu a hlan hna i, a pasal cu a thah ter hna. Cu nutung nih a hlan i a pasal a thahter mipa pahnih hna cu Myawaddy khualipi i riantuan mi palik pawl nih an tleih cang hna tiah thawng theih asi.

Karen ram kulh Myawaddy myone Mae Htwaw Thale Lay khuate ohsuh Metta Lin Myaing khua ah zinglei sml 8:00 hrawng ah khan a min Ko Myo Aye a kum (47) pa cu namsawhnak hliam hma a thi tiah Myawaddy khualipi palik bawi Aung Kywa Oo nih a hruai mi palik pawl le khuachungah nawl ngei tu pawl he an va zoh tikah, a thi mi Ko Myo Aye hi an um nak inn hmai ah a paw ah namte sawhnak hliamhma he a rak thi tiah thawng kan theih.

Cu caah palik pawl nih cun inkhat te ah a zungzal in a rak umti Peng mi, anupi Ma Zamimyint cu an hal tikah a nupi a si mi nih cun a si hithil a can lio ah hin zan nazi 9 hrawng a si cang caah keimah cu kan in hnulei khan ah ka rak it diam cang i ka pasal hi cu kan in hmailei a khan ah a rak it tiah a ti. Cu ti te cun zan khuadei cu kan um i a thaizing ah ka van i thang i in hmailei khan ah ka rak ra i inhmai khan chung i a it mi ka pasal Ko Myo Aye cu a paw ah namte sawh nak hliamhma he cun a ruak he ka hmuh tiah palik pawl sinah cun a nupi nih cun a chim.

Hiking he pehtlai in Myawaddy Peng palik bawi pakhat nih tha tein, Pyar Sone pa nih a chim Ning tein a kutang i a um mi palik bawi pakhat le an hawile pawl nih tha tein mithi pa Ko Myo Aye i a nupi cu thaten biahal nak an van tuahthan tik ah a pasal a Thih Ning cang cu a tu bantuk hin a rak chim a poi taktak. Nutung nu nih a pasal thihnak kong he 0ehtlai in a chim mi cu hiti hin a si. Kapasal nih hin a ka hnahchuah lengmang caah khawika hmanh ah a ka chuahter duh loh i in ah thongtla bantuk in a ka hrem zungzal Cupin ah a ka vuak i a ka hrem zungzal cucaah minung ka hlan hna i ka pasal hi ka thah ter mi hna a si tiah a rak chim.

Cuti cun nutung nu nih cun a thiltuah mi vialre fiangtein palik sinah a chim tikah cun palik pawl nih cun nutung nu nih a hlan mi hna mi that tu pahnih zong kha palik pawl nih an kawl hna i an tleih hna. Cun mithat tu hna cu an dihlak in Myawaddy palik pawl nih an tleih hna i zeitik can tiangdah thong ah an thlak hna lai timi cu fiangten theih a si rih loh.